Machuyaymanta

Chaymanta parlaj versículos:

• Ec 12:1-8. Rey Salomonqa uj takiypi jina nerqa imachus pasasqanta machuyajtinchej. Payqa nerqa niña allintachu rikusqanchejta, niñataj allintachu uyarisqanchejta. Chayta nerqa “ventanasmanta qhawaj señoraspis laqhallataña qhawanqanku”, “warmi wawaspis manaña jatunmantachu takenqanku” nispa.

Chaymanta parlaj versículos:

• 1Sa 12:2, 23. Profeta Samuelqa allin machituña kashaspa, Diospa llajtanpaj mañakuyta mana saqenanchu kasqanta repararqa.

• 2Sa 19:31-39. Rey Davidqa mayta agradecekorqa Barzilái allin machituña kaspapis tukuy sonqo payta yanapasqanmanta. Barzilaita David pusayta munajtintaj, Barzilaiqa llampʼu sonqowan nerqa wakin imasta manaña ruwayta atisqanta.

• Sl 71:9, 18. Rey Davidqa machituña kaspa llakikorqa Jehovapaj manaña astawan ruwayta atinanmanta, chayrayku Diosmanta mañakorqa ama wijchʼurparinanta, qhepa wawasman willananpajtaj kallpata qonanta.

• Lu 2:36-38. Profetisa Anaqa viuda karqa, awelitaña kaspataj Diosta mana saqespa yupaychasqanrayku uj sumaj bendicionta japʼerqa.

Chaymanta parlaj versículos:

• Gé 12:1-4. Jehovaqa Abrahanta 75 watasniyoj kashajtin Ur llajtamanta ripunanta nerqa.

• Da 10:11, 19; 12:13. Profeta Daniel 90 watasniyojmanta astawanña kashajtin, uj ángel payta waturikuspa nerqa may munasqa kasqanta, Diosta kasukusqanraykutaj bendecisqa kananta.

• Lu 1:5-13. Zacariaswan Elisabetwan machitusña kashajtinku, Jehová paykunata bendicerqa uj wawata qospa. Chay wawataj Juan karqa.

• Lu 2:25-35. Jehovaqa saqerqa machitu Simeón rikunanta Mesías kanan karqa chay wawitata. Chantá Simeonqa chay wawita aswan qhepaman imatachus ruwananta willarqa.

• Hch 7:23, 30-36. Profeta Moisés 80 watasniyoj kashajtin, Jehovaqa payman nerqa Israel llajtanta Sumaj Jallpʼaman pusananta.

Chaymanta parlaj versículos:

• Gé 45:9-11; 47:12. Joseqa tatan Jacobta allin machituña kashajtin qayllanman pusachimorqa, wañupunankamataj payta cuidarqa.

• Rut 1:14-17; 2:2, 17, 18, 23. Rutqa Noemí payitaña kajtin parlasqanwan ruwasqanwan ima payta yanaparqa.

• Jn 19:26, 27. Jesusqa ñakʼarina kʼaspipi warkhusqa kashaspa, munasqa amigon Juanta nerqa mamanta cuidapunanta.