BIBLIAJ KUTICHIYKUNASNIN

¿Imaraykú Diosmanta mañakuna?

Diosqa imaschus llakichiwasqanchejmanta mana manchachikuspa willarinanchejta munan (Lucas 18:1-7). Payqa munakuwasqanchejrayku uyariwanchej. Janaj pachamanta Tatanchejqa paywan parlarinanchejpaj wajyarikuwanchej, ¿Paywan parlarikuyta munawajchu? (Filipenses 4:6 leey.)

Dioswan parlareyqa mana yanapayninta mañakunallapajchu, manaqa Payman astawan qayllaykunapaj (Salmo 8:3, 4). Sapa kuti imachus sonqonchejpi kasqanta willarejtinchej Paywan astawan masichakunchej. (Santiago 4:8 leey.)

¿Imaynatá mañakusunman?

Diosqa mañakunanchejta munan mana yachaysapa palabraswanchu, nitaj kutipakuspa ashkhata parlaspachu chayri qonqorikuspapunichu, manaqa sonqomantapacha. (Mateo 6:7). Sutʼincharina, Israelitaspa tiemponpi Anaqa, Diosman sinchʼi llakiyninta willarqa. Chantá chay llakiynin allinchakojtintaj Diosman agradecekorqa. (1 Samuel 1:10, 12, 13, 26, 27; 2:1 leey.)

Diosman llakiyninchejta willayqa, ni imawan kikinchakunchu. Chantapis tukuy imata ruwasqanrayku graciasta qospa jatunchayta atinchej. Chayrayku Dioswan parlariyta ni jaykʼaj qonqanachu. (Salmo 145:14-16 leey.)