¿Imatá nisunman revistasta rikuchichkaspa?

Torremanta Qhawaq Enero-Marzo

“¿Qhawankichu runas tukuy imaymanamanta llimphuchakusqankuta? [Kutichinanta suyariy.] Kaypiqa, imaraykuchus llimphu kanata niwanchik [1 Pedro 1:16, ñawiriy]. Kay yachaqanaqa, imaynasmantachus llimphuchakuyta atisqanchikta sutʼinchachkan.” Kay 10 paginapi yachaqanata rikuchiy.

¡Despertad! Enero

“May chhika runas, Dios runasta chʼampaykunawan ñakʼarichisqanta yuyanku. ¿Maykʼaqllapis jinata yuyarqankichu? [Kutichinanta suyariy. Chantá kay Santiago 1:13, ñawiriy.] Kay yachaqanapiqa, pichus chʼampaykunata rikhurichisqanta sutʼinchan, imaraykuchus pisimantawan chay llakiykuna chinkananpi atienekunanchiktapis.” Kay 28 paginapi yachaqanata rikuchiy.

Torremanta Qhawaq Enero-Marzo

“May chhika runas, Dios nina lawraypi saqra runasta wiñaypaq ñakʼarichisqanta yuyanku. ¿Imatá qam chaymanta niwaq? [Kutichinanta suyariy.] Imatachus Biblia chaymanta nisqanta reparay [Ezequiel 18:23, ñawiriy]. Kay revistaqa, imachus infierno kasqanta sutʼinchachkan.” Kay 8 paginapi yachaqanata rikuchiy.

¡Despertad! Febrero

“Kay Jallpʼapi tukuy ima, kawsay kananpaqjina ruwasqa kasqanta rikuchiwanchik. ¿Qam imatá yuyanki, jinallamanta imapis rikhurisqantachu chayri pi Ruwasqanraykuchu? [Kutichinanta suyariy.] May chhika runas, Biblia nisqanpi atienekunku [Salmo 104:24, ñawiriy]. Kay revistaqa, yachayniyuq runas nisqankumanjina, Bibliap nisqanmanjina ima, kawsay mana jinallamantachu rikhurisqanta sutʼinchachkan.