Diospa Llaqtanta Kamachiqkunap cartanku
Munasqa hermanos:
¡Mayta kusikuyku qamkunaman kay cartata qillqamusqaykumanta! Ñuqaykupis apóstol Juanjina qamkunata ‘chiqamanta munakuyku’, kusikuykutaq ‘chiqa kaqmanjina kawsachkasqaykichikta yachasqaykumanta’ (2 Juan 1, 4). Chiqa kaqta riqsiyqa, tukuyninchikpaq juk bendición, imaraykuchus chiqa kaqta riqsiyqa llulla religionmanta, yachachiykunasninmanta, millay ususninmanta ima tʼaqakunanchikpaq yanapawanchik. Chantapis chiqa kaqmanjina kawsayqa, kʼacha runas, khuyakuyniyuq, munakuyniyuq ima, kananchikpaq yanapawanchik. Astawanpis, Diospa ñawpaqinpi allinpaq qhawasqas kananchikpaq, wiñay kawsayta suyakunanchikpaq ima yanapallawanchiktaq.
Chantapis Jehovaman, espíritu santonniqta kallpachawasqanchikmanta, may ñantachus purinata rikuchiwasqanchikmanta ima, agradecekunchik. “Diospa espiritunwan pusachikuna” sutichasqa jatun tantakuypiqa, Diospa espiritunmanta astawan yachakuspa mayta kusikurqanchik. Kay saqra pachap tukukuynin qayllaykamuchkasqanrayku, Jehovap espíritu santonpi astawan atienekuna, kay qhipa pʼunchaykunapi chiqan ñanta pusanallawanchikpaqpuni.
Anuario nisqa libropi, hermanosninchik iñiyninkurayku ñakʼarisqankumanta ñawirispaqa, tʼukuchkaq qhipakunchik, imaraykuchus wakinkunaqa, niraq bautizasqa kachkaspapis, chayri manaraq unaychu bautizasqa kachkaspapis, tukuy laya ñakʼariykunapi sinchita sayarqanku. Chayrayku Diosman chiqa sunqu kasqankuta, chiqan kaqmanjina ruwasqankuta ima, ¡may jatunpaq qhawanchik! Chiqamanta Diosman chiqa sunqu kasqankuqa, ima llakiypipis kachkaspa paykunajina ruwananchikpaq yanapawasqanchikta nisunman (1 Tes. 1:6-8).
Munasqa hermanos, familiasniykichik jukchasqas kanallankupaqpuni tukuy laya chʼampaykunata atipanaykichik kasqanta yachayku. Wakinkunaqa, Diospa Reinonmanta willamunankupaq, tantakuykunaman rinankupaq ima, mayta kallpachakunanku tiyan. Chayrayku Bibliata mayta ukhunchaytawan, Jehovamanta yanapata mañakuytawan ima, 2009 enero killamantapacha, semanapi iskay kutillataña tantakuy ruwakunanta kamachirqayku. Kay iskay tantakuykunapaq sumaqta wakichikunaykichikmanta, Bibliata sapallaykichik chayri familiaykichikwan ukhunchanaykichikpaq astawan tiempochakunaykichikmanta ima, mana iskaychakuykuchu.
Chantapis, jatun tantakuykunapi achkha runas, waynuchitus ima bautizakusqankumanta, ¡mayta kusikuyku! Chayrayku chiqa kaqta munakunankupaq, waynamantapacha Diospaq llamkʼayta munanankupaq ima, wawasninkuta yachachichkasqankumanta tatasta may allinta ruwasqankuta niyku. Chay waynuchitus yachaywasipi saqra kaqta ruwanankupaq may tanqasqas kaspapis bautizakusqankuqa, tatasninku Bibliamanta sumaqta yachachisqankuta rikuchin (Sal. 128:1-6).
Chantapis misioneros, precursores especiales ima, sinchita llamkʼasqankurayku achkha runas Bibliamanta yachakuyta qallarisqankuqa, may sumaq. Ñuqaykuqa, “kawsay yakumanta” ukyanankupaq hermanosninchik tukuy runasta waqyarisqankutaqa, may jatunpaq qhawayku (Apo. 22:17). Ajinata ruwasqankurayku, qayna watapi 289.678 runas bautizakuspa Diosman qukusqankuta rikuchirqanku. Chayrayku tukuy paykunata Diospa llaqtanman allin jamusqa kankichik nispa niyku.
Apóstol Juanpa nisqanta yuyarillaypuniqa, may allin, imaraykuchus pay nirqa: “Kay pachaqa tukukapushan, jinallataj chay sajra munaynimpis; Diospa munayninta ruwajri, wiñaypaj kawsanqa”, nispa (1 Juan 2:17). Kay saqra pachap tukukuynin may qayllitapiña kasqanrayku, Diospa munayninta ruwanapaq, “wakichisqas” kananchikpaq ima, kallpachakunallanchikpuni tiyan (Mat. 24:42). Ajinata ruwaspaqa, Diospa khuyakuyninta tarisunchik nitaq jaykʼaqpis pesachikusunchu (Isa. 63:7).
Kay Anuario libropi, hermanosninchik Jallpʼantinpi Diospaq llamkʼasqankumanta ñawiriyqa, Diospa Reinonta kawsayniykichikpi ñawpaqman churanaykichikpaq kallpachasunaykichikta suyayku. Qamkunapaq Diosmanta mañakullasqaykutapuni, qamkunata munakusqaykuta yachanaykichikta, Jehová Diosninchiktaq bendecisunallaykichiktapuni munayku.
Hermanosniykichik,
Diospa Llaqtanta Kamachiqkuna
[5-8 paginaspi tabla]
JEHOVAMANTA SUTʼINCHAQKUNA 2008 WATAPI RUWASQANKUMANTA WILLAYKUNA
(Publicacionpi qhawariy texto originalta)
2007 watapi septiembre killamanta 2008 watapi septiembre killakama, Jehovamanta sutʼinchaqkuna 141.000.000 (141 millones) dolaresta gastanku, precursores especiales, misioneros, superintendentes viajantes ima, ruwayninkuta juntʼanankupaq.
Tukuy pachantinpi Señorpa Cenanpi mikhuqkuna: 9.986
[9, 10 paginaspi sutʼinchaynin]
Qillqanapaq