Willaykuna

◼ Kaywan willamusunchik marzo killapi: ¿Imatapunitaq Biblia yachachin? Juk runapta kay libro tiyapunña chayqa chayri ñawpaq kutillataraq paywan parlachkanki chayqa, Bibliamanta yachachiyta qallarinaykipaq kallpachakuy. Abril, mayo: Torremanta Qhawaq, ¡Despertad! revistawan ima. Bibliamanta yachakuyta munaqkunaman, Jesuspa wañupuyninta yuyarinapaq tantakuyman chayri wak tantakuyninchikman jamuqkunaman kutispa, Yachachin librowan yachachiyta qallarinaykipaq kallpachakuy. Junio: ¿Imatapunitaq Biblia yachachin?

◼ Torremanta Qhawaq, ¡Despertad! revista ima qutuchakuyman chayamusqantawan, hermanosman jaywakunan tiyan. Jinamanta, imamantachus sapa revista parlachkasqanta yachaspa chay revistaswan allinta willanqanku.

◼ Jesuspa wañupuyninta yuyarinapaq tantakuyqa, marzo 30 pʼunchaypi ruwakunqa, chay tantakuypitaq 8, 109 takiykuna churakunqa. Martes pʼunchaypi wak tantakuykunata ruwayta yachankichik chayqa, wak pʼunchaypi chay tantakuykunata ruwawaqchik. Tantakuna Wasipi achkha qutuchakuykuna tantakusqankurayku wak pʼunchaypi mana ruwayta atispaqa, amaña chay tantakuykunata ruwaychikchu. Chay semanapi Willayta Yachanapaq Tantakuymanta, qutuchakuyniykichikpaqjina sumaq yachachiykunata akllaychik, qhipan tantakuyllapiña chaymantawan parlarinaykichikpaq.