“Reinomanta evangelio tukuynejpi willasqa kanqa”
1. ¿Imaptintaq nisunman Diospa Reinonmanta willakunanta ni pipis jarkʼananta?
1 Mana imapis Diosta jarkʼayta atinmanchu munayninta juntʼananpaq (Isa. 14:24). Gedeonqa, 300 soldadosnillanwan 135.000 soldadosta mana atipayta atinmanchu karqa. Chaywanpis Jehová payta nirqa: “Chay kallpayki kajwan rispa, israelitasta kacharichimuy madianitaspa makisninkumanta. Noqamin kachashayki”, nispa (Jue. 6:14). ¿Ima llamkʼaypitaq kunanpis Jehová yanapachkallawanchiktaq? Jesús nirqa: “Janaj pacha reinomanta evangelio tukuynejpi willasqa kanqa”, nispa (Mat. 24:14). Ni pipis kay llamkʼay ruwakunanta jarkʼanmanchu.
2. ¿Imaraykutaq nisunman Jehová willayninchikpi sapa jukta yanapanawanchikta?
2 Jehovaqa sapa jukninchikta yanapawanchik. Jehovaqa llaqtanta yanapallanpuni, chaywanpis, ¿sapa juk kamachinta yanapallantaqchu? Juk kuti apóstol Pablo yanapata necesitachkaptin, Jehovaqa, Churinniqta kallpacharqa (2 Tim. 4:17). Jinallatataq kunan tiempopipis Jehovaqa, sapa jukninchikta kallpachawasunchik Reinonmanta willanapaq tukuy imata ruwaptinchik (1 Juan 5:14).
3. ¿Imaspi rikukuptinchiktaq Jehová yanapawanchik?
3 ¿Achkha ruwanasniyuq kasqaykirayku willaq rinaykipaq saykʼusqajinachu kanki? Jehovaqa “saykʼusqa kajta astawan kallpachan” (Isa. 40:29-31). ¿Churanakuchkasunkuchu? “Llakiyniykita Tata Diosman saqey. Payqa sinchʼita sayachisonqa.” (Sal. 55:22.) ¿Manchachikunkichu runasman willayta? Jehová nin: “Kunanqa riy. Noqamin simiykinejta parlasaj”, nispa (Éxo. 4: 11, 12). ¿Unqusqa kasqaykirayku pisillatañachu willaq lluqsichkanki? Jehovaqa, tukuy sunqu Paypaq llamkʼasqaykita sumaqpaq qhawan, pisillata ruwaptiykipis (1 Cor. 3:6, 9).
4. Jehovapi tukuy sunqu atienekuspa, ¿imatá ruwasunchik?
4 Diospa “makenqa [...] oqharisqallapuni kashan, manataj pipis jarkʼayta atinchu” (Isa. 14:27). Chayrayku Reinonmanta willayninchikta Jehová bendecinanpi atienekuspa, “mana manchachikuspa Señormanta parla[nallapuni]” (Hech. 14:3).