Ñawpaq killasmanta revistata chayri mayqin folletollatapis saqiy

Ima killaspichus ñawpaq kutirayku runaswan parlachkaspa, Yachachin librowan Bibliamanta yachachiyta qallarinapaq niwaptinchik, kay libro kapunña chayqa, nitaq yachakuyta munaptin, ñawpaq killasmanta revistata chayri mayqin folletollatapis saqiwaq. ¿Imaraykutaqrí?

Mayqin folletosllapipis chayri ñawpaq killasmanta revistaspi allin yachachiykuna tarikun, maypichus willanchik chaypi runas astawan yachakuyta munanankupaq ichapis kanman. Chayrayku willayman lluqsinaykipaq wakichikuchkaptiyki wakin revistasta chayri folletosta maletinniykiman churayta ama qunqaychu. Ñawpaq killasmanta revistas mana kapusunkichu chayqa qutuchakuymanta urqhukuwaq. Willachkaptiyki chay runapta Yachachin libro kapunña chayqa, manataq Bibliamanta yachakuyta munaptin, ñawpaq killasmanta revistasta chayri mayqin folletosllatapis rikuchiwaq chantá mayqillantapis akllakunanta niwaq. Ima pʼunchaytachus kutinaykipaqtaq parlariychik. Yachakuyta munasqanta wiñachinki chayqa, ichapis tiemponman Bibliamanta yachakuyta munanqa.