Ama wayrata sajmanachu
1. ¿Imaynatá willayninchejpi 1 Corintios 9:26 yanapawasunman?
1 Apóstol Pablo qhelqarqa: “Noqapis tʼijujkuna jina, cheqanta rishani maymanchus chayanayman; imaynatachus tinkupi maqanakojkuna mana wayrallatachu sajmanku, ajinallatataj noqapis mana qhasipajchu imatapis ruwani”, nispa (1 Cor. 9:26). Kayta nispaqa, Diosta yupaychaypi ñawpajllamanpuni riyta munarqa. Chaywanpis kay yuyaychayqa willayninchejpi yanapallawasunmantaj, “sajma[sqanchej]” nisunman kallpachakusqanchej mana qhasipajchu kanqa. ¿Imaynatá chayta ruwasunman?
2. ¿Imatá Pablomanta, ñawpa tiempomanta cristianosmanta ima, yachakunchej?
2 Maypichus runa tarikun chaypi willana. Pablo, ñawpa tiempomanta cristianos ima, maypichá runas kaj kanku chaypi willaj kanku (Hech. 5:42; 16:13; 17:17). Willanchej chaynejpi, tutasnillan runas wasisninkupi kajtinkoqa, ichá allin kanman chay horasta willaj paykunaman rinanchej. Microta, trenta suyakuna lugares, runa llankʼayninman rishajtin chayri kutinpushajtin, ¿runamanta juntʼachu? Willanki chaynejpi kaj mercadospi, qhatuspi, ¿ima horastaj astawan runamanta juntʼa kashan? Ichapis chay horasta callespi astawan runasman, Diosmanta willasunman.
3. Willanchej chaypi, tukuy wasisman willanapaj, ¿imatá ruwana tiyan?
3 Tukuy wasisman willayninchejwan chayana. Willanchej chaypi, tukuy wasisman willanapaj kallpachakullasunmantaj. Sutʼincharinapaj, uj lugarllaman ashkha willajkunata kachanapajqa, tukuyninku maychus kananta jina, allinta llankʼanankupaj ima, kallpachakuna tiyan, ashkha tiempotataj churana tiyan. Chayrayku, ¿manachu allin kanman grupospi tʼaqana? Chantapis wasis tʼaqa tʼaqalla kan chayman autopi willaj rispaqa, pisi willajkunalla rina kanman, ajinamanta chay lugarpi astawan runasman parlayta atisunchej. Chantapis, tiyakunchej chaynejpi willanapaj, ¿manachu territorio nisqata mañakusunman? Ajinamanta mana tiempota usuchisunchu karuta rispa.
4. Sumaj “runa japʼej challwiris[...]” kanapaj, ¿imataj yanapawasun?
4 Jesusqa, willajkuna “runa japʼej challwiris[...]” kasqankuta nerqa (Mar. 1:17). Sumaj challwireqa, mana challwa japʼina chʼipata yakuman wijchʼuykullanchu, manaqa maskʼan ima horapichus maynejpichus astawan challwas tarikun chayta. Arí, mayta kallpachakun. Noqanchejpis willayninchejpi kikinta ruwananchej tiyan (Heb. 6:11).