Willanapaj uj lugarta mañakuy, ¿yanapasunkimanchu?
1. May jatun lugarta willaj qotuchakuykunapi, ¿imatá hermanos ruwayta atinkuman?
1 Qotuchakuykunaqa, maypichus willanku chayta ashkha lugaresman tʼaqanku. May jatun lugarpi willaj qotuchakuykunamanta hermanostaj, wasinku chayri llankʼayninku chaynejpi willanankupaj, uj lugarta mañakuyta atinku. Organizados nisqa libroqa, 103 paginapi nin: “Willamunapaj uj lugarta mañakoyqa, astawan tiempota willanaykipaj yanapasunkiman. Chantapis munaspaqa, chaypi willanapaj waj hermanota wajyarikuwaj”, nispa.
2. Qotuchakuywan khuska willaspapis, ¿imaynatá willayta atillawajtaj?
2 Qotuchakuywan khuska willaspapis. Maypichus llankʼanki chaynejpi willanaykipaj uj lugarta mañakuspaqa, chaupi pʼunchayta samarishaspa, chayri llankʼayniykimanta llojsispa chaypi willariwaj. Ichá chay qayllapi llankʼaj waj hermanotapis qanwan willananpaj wajyariwaj. Wasiyki qayllapi uj lugarta mañakuspataj, tardesnin familiaykiwan khuska willayta atiwaj. Chaywanpis niraj willayta qallarishaspa, Jehovaj yanapanta mañakunayki tiyan (Fili. 4:6). Ajinata willamuspapis, qotuchakuywan khuska willamunaykipaj tiempochakunallaykitaj tiyan. Astawanraj semana tukukuyta, imajtinchus chay pʼunchaykunapeqa ashkha hermanos willaj llojsinku.
3. Willamunapaj uj lugarta mañakuy, ¿imaynasmantá yanapawanchej?
3 ¿Imaynatá yanapasunkiman? Willamunapaj uj lugarta mañakojtiykeqa, tiempoyki kasqanman jina chaypi willayta atinki. Manaña karuta rinayki kasqanrayku, astawan horasta willayta atinki. Ajinata willayqa ashkha hermanosta precursores regulares chayri auxiliares kanankupaj yanapan. Chantapis wasiyki qayllapi willaspaqa, Bibliamanta yachakuyta munaj runasta tarispa yachachinaykipaj kutiyta atillanki. Ashkha hermanos, ajinata willaspa chaypi tiyakoj runasta astawan rejsisqankuta ninku. Imaraykuchus niraj kutichipushaspa, ashkha kutista chaypi willayta atinku. Willamunapaj uj lugarta mañakoyqa, tukuy runasman willananchejpaj yanapawasunman (2 Tim. 4:5).