Revistaswan willaranapaj

Juniopi ñaupaj kaj sabadota Bibliamanta yachachiyta qallarinapaj

“Tukuy runas allin kausayta maskʼanku. Chaywanpis tukuynejpi jatun maqanakuykuna tiyan. ¿Imaraykú runas allin kausayta mana apamuyta atinkuchu?” Junio killamanta Torremanta Qhawaj revistaj wasanpi yachaqanata rikuchispa, ñaupaj kaj tapuyta paywan ukhunchay, Bibliamanta uj versiculollatapis leeriy. Revistasta saqey, chantá qhepan tapuyta ukhunchanapaj, waj pʼunchay kutinaykita niy.

Sutʼinchay: Kay rikucheyqa, 1 junio willayman llojsinapaj tantakuypi ruwakunan tiyan.

Torremanta Qhawaj 1 junio

“Ashkha runasta, parlayninkurayku, layankurayku chayri waj imasrayku mana valechinkuchu. Ichá qanpis jinapi rikukorqanki. ¿Tukuynejpichu ajina kanman? [Kutichinanta suyariy.] Diosqa tukuy runasta allinpaj qhawan, kaypi nisqanta qhawariy [Hechos 10:34, 35 leey]. Kay revistaqa, imaynatachus Dios chay chʼampayta allinchananta sutʼinchan.”

¡Despertad! Junio

“Tukuypis aswan sumajta kausakuyta munanchej, ¿icharí? Chaywanpis, ¿tukuy imayoj kaspallachu kusisqa kausakusunman? [Kutichinanta suyariy.] Jesuspa kay nisqanpi tʼukurina [Lucas 12:15 leey]. Kay revistaqa, imaynatachus kapuyniyoj kayta qhawanata, imaynatachus qolqeta apaykachanata ima sutʼinchan.”