Ñaupa killasmanta kaj revistasta allinta apaykachana
Revistasta waqaychakunanchej chayri wijchʼunanchejqa mana allinchu, chayrayku willaypi saqenapuni. Uj revistalla yanapanman runa cheqa kajmanta yachakuyta munananpaj, Diospa sutintataj yachakunanpaj (Rom. 10:13, 14). Kunanqa, imaynatachus revistasta willaypi apaykachanamanta sumaj yuyaychaykunata qhawarina.
Mana sapa kutichu willakusqan lugaresman rispaqa, wasinkupi mana kajkunaman uj revistata saqesunman, calleta purej runas mana rikunankupaj jina.
Ashkha runas kanku chaypi willaspaqa, nisunman maymantachus autos llojsinku chaypi chayri estación de tren nisqapi suyakojkunata leeriyta munasqankutachus manachus tapurisunman. Chantapis wakin revistasta rikuchisunman paykuna ajllakunankupaj.
Mercadospi, machu runasta qhawana wasispi, hospitalespi chayri waj lugarespi, runa suyakushanku chaypi mashkha revistasllatapis saqesunman, chaynejkunapi willanchej chayqa. Chantapis uj encargado tiyan chayqa, payta tapurisunman revistasta saqeyta atisunmanchus manachus chayta. Chaypi revistasta rikunchej chayqa, niña saqenachu.
Yachakuyta munajkunaman kutinapaj wakichikuspaqa, imamantachus yachakuyta munasqankupi tʼukurina. ¿Wawasniyojchu? ¿Viajaychu gustan? ¿Plantitasniyojchu? Ñaupa killasmanta kaj revistasta mayqen yachaqanachus yanapananpaj jina kasqanta qhawarina, kutispataj chayta saqena.
Bibliamanta yachakuyta munajta unaymanta wasinpi taripaspaqa, mana saqesqanchej revistasta rikuchispa saqesunman.