Aswan sumaj yachachejkuna kana: Bibliamanta yachakojkunata sapallankupi ukhunchayta yachachina

¿Imaraykutaj ruwananchejpuni tiyan? Bibliamanta yachakojqa Diospa llajtanpi ñauparinanpaj, Bibliaj yachachisqanta umanpi, sonqonpitaj sumajta japʼinan tiyan (Heb. 5:12–6:2). Bibliata ukhunchanapajqa kallpachakuna. Chaytaj niyta munan yachasqanchejtaña, yachakusqanchejwan kikinchay, imaynatatajchus chayman jina ruwayta yachay (Pro. 2:1-6). Bibliamanta yachakojkunaqa yachayta munasqankuta tarinankupaj, sapallanku publicacionesninchejpi maskʼayta yachananku tiyan. Yachakusqankuman jina kausanankupaj kallpachakuspaqa, ima chʼampaytapis atipallanqanku (Luc. 6:47, 48).

¿Imaynatá ruwasunman?

Sapa yachachispa, Jehovamanta mañakunapuni kasqanta yachachiy (Juan 14:26; 1 Cor. 2:10).
Qallariymantapacha niy Bibliamanta yachakojta ñaupajmantaña wakichikunanta. Wakin palabrasta marcakuyta yachachiwaj, libroykipitaj imaynatachus ruwasqaykita rikuchiwaj.
Entiendesqanman jinalla kutichinanta niy. Mana libromanta leespalla kutichinanpaj jinachu tapunayki tiyan.
Bibliata sapa pʼunchay leenanta niy. Internetpi jw.org/qu nisqapi Bibliata leenapaj uj programa tiyan. Bibliata leeyman yachaykukunapajqa mayta kallpachakuna, chaytaj mana qhasipajchu kanqa (Sal. 1:2, 3).
Bibliamanta imatapis tapukuspaqa INTERNETPI BIBLIOTECA nisqapi maskʼayta yachachiy. Rikuchiytaj publicacionesninchej ima letraswanchus rejsikusqanta. Sutʼincharinapaj, Sumaj willaykuna folletoqa fg letraswan rejsikun.

Killantinta kayta ruway:

Uj subtitulota chayri uj yachaqanata tukuspaqa yachakojta niy pisi palabrasllapi yachakusqanta ninanta. Niraj piman yachachishankichu chaytaj, Bibliata leerisqaykimanta chayri Torremanta Qhawaj revistaj ujnin parrafonta leesqaykimanta imatachus entiendesqaykita pisi palabrasllapi niy.