BIBLIAMANTA SUMAJ YACHACHIYKUNA | MATEO 20, 21
“Qankunamanta kuraj kayta munajqa, kamachiykichej kanan tiyan”
Fariseoswan leymanta yachachejkunawanqa, mercado plazaspi runaswan rikuchikuyta munaj kanku.
Fariseoswan leymanta yachachejkunawanqa, jatunpaj qhawachikuyta, rejsisqa kaytataj munaj kanku (Mt 23:5-7). Jesusrí mana paykuna jinachu karqa. Payllataj nerqa: “Mana sirvichikojchu jamuni, manachayqa sirvej”, nispa (Mt 20:28). Diosta yupaychaypi wakin ruwaykunaqa, jatunpaj qhawasqa kanku, wakintajrí mana. ¿Mayqenkunatataj astawan ruwayta munanchej? Jehová Dios allinpaj qhawanawanchejpajqa, Jesusman rijchʼakunanchej tiyan, tukuy atisqanchejtataj wajkunata yanaparina tiyan. Chay ruwasqanchejta wajkuna mana rikojtinkupis, Jehová Diosqa qhawan (Mt 6:1-4). ¿Imastá ruwan llampʼu sonqo runa?
Tantakuna Wasita llimphuchan, allinchaysikuntaj.
Kuraj hermanitosta, wajkunata ima mana kamachisqalla yanaparin.
Diospa Gobiernonmanta willakunallanpajpuni qolqesitunwan yanapakun.