Redes socialesman yaykuspa allinta qhawarikuna

¿IMARAYKUTAJ? Redes sociales nisqaqa, Internetpi tiyan. Runasqa chay redes socialesnejta familiasninkuwan, amigosninkuwan parlanku, fotosta chayri videosta apachinakunku. Wakin cristianosqa redes socialesman yaykunku, wakintaj mana. Redes socialesqa yanapawasunman chayri urmachiwasunman. Satanasqa chay redes socialesnejta, Jehovamanta karunchayta munawanchej, allinpaj qhawasqa kasqanchejtapis chinkachiyta munan. Jesusqa juchapi mana urmananpaj Diospa Palabranwan yanapachikorqa. Noqanchejtapis Biblia yanapallawasunmantaj (Lu 4:4, 8, 12).

¿IMASPITAJ URMASUNMAN?

• Tiemponchejta usuchisunman: Internetta qhawaspalla kasun chayqa, niña tiemponchej kanqachu Diosta yupaychaypi ruwanasninchejta juntʼanapaj.

  Bibliaj yuyaychasqan (Ef 5:15, 16; Flp 1:10)

• Millay imasta qhawasunman. Internetpi qʼala runasmanta fotosta chayri millay videosta qhawayman yachaykakapusunman, khuchichakuy juchamanpis urmasunman. Diosta wasanchaj runaspa churasqankuta leespataj, Jehovamanta karunchakusunman.

  Bibliaj yuyaychasqan (Mt 5:28; Flp 4:8)

• Pʼenqaypi rikhurisunman. Sonqonchej chʼauka kasqanrayku, Internetpi imatapis mana yuyaychakuspalla qhelqasunman, chayri mana allinta ruwasqanchejmanta fotosta churasunman. Chaytaj pʼenqaypi rikhurichiwasunman, wajkunatapis pantachisunman.

  Bibliaj yuyaychasqan (Ro 14:13; Ef 4:29)

REDES SOCIALESMAN YAYKUSPA SUMAJ YUYAYNIYOJ KAY NISQA VIDEOTA QHAWAY. ¿KAY PROBLEMASMANTA AYQEWAJCHU?