CRISTIANO KAUSAYNINCHEJ
Jehová Diosqa llajtanta jarkʼan
Israelitas ñaupaj Pascuata ruwasqankoqa mana qonqanapaj jina karqa. Faraonqa chay chʼisi kuraj wawan wañusqanta yachaytawan, Moisesman nerqa: “Llojsiychej kaymanta, tʼaqakuychej runasniymanta qankuna, israelita masisniykichejwan khuska. Rispa, Tata Diosta yupaychamuychej, qankuna nisqaykichejman jina”, nispa (Éx 12:31). Chaypi sutʼi rikukorqa Jehová llajtanta jarkʼasqanta.
Kay tiempopipis sutʼita reparallanchejtaj Jehová Dios llajtanta yanapashasqanta, jarkʼashasqantataj. Chaytaqa reparasunman centralninchejpi uj museo kasqanpi. Chay museoqa sutikun “Jehová Diospa sutinta apaj llajta”.
WARWICKPI MUSEOSTA REJSINAPAJ VISITAS: JEHOVÁ DIOSPA SUTINTA APAJ LLAJTA NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imawantaj Bibliamanta Yachaqajkuna 1914 watamantapacha yanapachikorqanku ashkha runas Biblia Diospa Palabranpuni kasqanta yachanankupaj?
¿Ima pruebaspitaj hermanos rikukorqanku 1916 chantá 1918 wataspi? ¿Imaynatá yacharqanku Jehová Diospuni llajtanta ñaupajman apashasqanta?
¿Imaynatá Diospa llajtanmanta kajkuna churanakuy kajtinpis sinchʼillatapuni sayarqanku?
¿Imaynatataj Diospa llajtanta yanaparqa 1935 watapi imatachus sutʼinchakusqan?
Chay museota chayri waj sucursalpi kaj museota visitankiña chay, ¿imataj yanapasorqa Jehová Dios llajtanta yanapashasqanta, jarkʼashasqantataj reparanaykipaj?