Amapuni Jehová Diosmanta karunchakunachu

¿IMARAYKUTAJ RUWANANCHEJPUNI TIYAN? Tumpamantawanqa tʼukuna imas pasanqa. Chay tiempopeqa mana manchachikoj runas kananchej kanqa, ni jaykʼaj jinataj Jehová Diospi atienekunanchej kanqa. Manchay ñakʼariy tiempoqa qallarenqa llulla religiones chinkachisqa kashajtinku (Mt 24:21; Ap 17:16, 17). Chay tiempopeqa, ichapis juchachana willayta willana kanqa (Ap 16:21). Magogmanta Gogqa contranchejpi oqharikonqa (Eze 38:10-12, 14-16). Chaymantataj Jehová Dios qallarichenqa ‘jatun pʼunchayninta’ (Ap 16:14, 16). Aswan qhepaman mana manchachikoj runas kayta munanchej chayqa, kay tiempopi pruebaspi kaspa sinchʼita sayananchej tiyan.

¿IMAYNATÁ RUWASUNMAN?

• Jehová Dios llimphu kausayniyoj kanata kamachiwasqanchejta kasukuspa (Isa 5:20).

• Jehová Diosta hermanoswan khuska yupaychaspa (Heb 10:24, 25).

• Jehová Dios llajtannejta kamachiwasqanchejta usqhayllata kasukuspa (Heb 13:17).

• Jehová Dios imaynatachus ñaupa tiempopi kamachisninta yanapasqanpi tʼukurispa (2Pe 2:9).

• Jehová Diosmanta mañakuspa, paypitaj atienekuspa (Sl 112:7, 8).

ASWAN QHEPAMAN ASTAWAN MANA MANCHACHIKOJ KANA KANQA NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  Congregacionpi cambios kajtin, ¿hermanos kasukuyta munallarqankuchu?

• 

  ¿Imaynatá mana manchachikoj kasqanchejta rikuchinchej kasukoj runa kaspa?

• 

  ¿Imaraykutaj Armagedón chamojtin mana manchachikoj runas kananchej kanqa?

• 

  Jehová Dios salvanawanchejpi atienekunapaj, ¿imaynatá kallpachawanchej ñaupa tiempopi llajtanta salvasqanta yachay? (2Cr 20:1-24).