Tatas, wawasniykichejta yachachiychej wakichisqa kanankupaj

Kay tiempopi runasqa mana allin kajta allin kasqanta ninku, allin kajtataj mana allin kasqanta ninku (Isa 5:20). Ashkha runasqa Jehová Diospa chejnisqan imasta ruwanku. Wakenqa qharipura chayri warmipura mana ruwanasta ruwanku. Wawasninchejtaqa escuelamanta compañerosninku chayri waj runas tanqankuman paykuna jina ruwanankupaj. ¿Imaynatataj tatas wawasninkuta wakichinkuman chay imaspi rikukuspa imatachus ruwanankupaj?

Jehová Diospa kamachiykunasninta yachachiychej (Le 18:3). Wiñasqankuman jina yachachiychej imatachus Bibliapi qhariwarmi jina puñuykuymanta nisqanta (Dt 6:7). Tatas kaypi piensariwajchej: “¿Wawasniykichejman yachachinkichejchu maychus kaj munakuymanta, maychus kajta pʼachallikuymanta, wajkuna mana partesninkuta llujchiykachanankumanta? Chanta, ¿paykuna yachankuchu imatachus ruwanankuta pillapis qʼala runasmanta fotosta chayri videosta rikuchiyta munajtinku chayri sajra imasta ruwanankuta nejtinku?”. Wawasniykichejman chay imasta ñaupajmantaña yachachejtiykichejqa, mana llakiykunapi rikukonqankuchu (Pr 27:12; Ec 7:12). Wawasninchejman sumajta yachachispaqa Jehová Diospa herencianta jatunpaj qhawanchej (Sl 127:3).

WASINCHEJTA SUMAJTA SAYACHINA: WAWASNINCHEJTA ‘SAJRA KAJMANTA’ JARKʼASPA NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  ¿Imaraykutaj wakin tatas mana wawasninkuwan qhariwarmi jina puñuykuymanta parlariyta atillankuchu?

• 

  ¿Imaraykutaj tatas wawasninkuta uywananku tiyan “Jehová Dios nisqanman jina cheqanchaspa, yachachispataj”? (Ef 6:4).

• 

  ¿Ima yanapastataj Jehová Diospa llajtan tatasman qon? (w19.05 pág. 12).

• ¿Imaraykutaj tatas wawasninkuwan parlarinankupuni tiyan niraj llakiykunapi rikukushajtinku?