Wiñaypaj kusisqa kausakuy librowan estudiosta yanapana Jehovapi, Jesuspi ima creenankupaj

Estudionchej Diospa ñaupaqenpi allin qhawasqa kananpajqa sinchʼi creeyniyoj kanan tiyan (Heb 11:6). Estudionchejpa sonqonman chayanapajqa Wiñaypaj kusisqa kausakuy libro yanapawasun. Kay libropi Bibliamanta versículos, tapuykuna, dibujos, videos ima tiyan. Estudionchejta kʼacha cristiano, Jehovaj amigontaj kananpaj yanapasun chayqa, creeynin sumaj sayasqa wasi jina kanqa, nitaj imapis urmachenqachu (1Co 3:12-15).

Wakin runasqa Diosta mana rikusqankurayku yuyanku mana paypaj amigosnin kayta atisqankuta. Chayrayku yanapananchej tiyan Jehová Diosta rejsinankupaj, paypitaj atienekunankupaj.

“WIÑAYPAJ KUSISQA KAUSAKUY” LIBROWAN RUNASTA YANAPANA JEHOVAPI CREENANKUPAJ NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaraykú nisunman hermananchej estudiota ruwananpaj sumajta wakichikusqanta?

• ¿Imastá hermana estudionta tapurerqa Isaías 41:10, 13 leeytawan?

• ¿Hermananchej videota qhawarichispa, versiculosta leerichispa estudionpa sonqonman chayarqachu?

Ashkha runasqa mana yachankuchu imajtinchus Jesús wañusqanta chayri mana creenkuchu paykunarayku wañusqanta (Gál 2:20). Chayrayku Jesuspa wañusqanpi creenankupaj yanapananchej tiyan.

“WIÑAYPAJ KUSISQA KAUSAKUY” LIBROWAN RUNASTA YANAPANA JESUSPI CREENANKUPAJ NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaraykú nisunman hermanonchej estudiota ruwananpaj sumajta wakichikusqanta?

• ¿Imaynatá hermanonchej estudionta yanaparqa “Astawan yachakunaykipaj” nisqa partewan?

• ¿Imaraykutaj estudionchej Diosmanta mañakunanpuni tiyan?