¿Reparanchejchu Jehová orakusqanchejta uyarisqanta?

Bibliaqa willawanchej Jehová ashkha kamachisninpa orakusqankuta uyarisqanta. Paykunaqa repararqanku imaynatachus Jehová paykunamanta llakikusqanta, yanaparisqanta ima, chaytaj creeyninkuta kallpacharqa. Chayrayku orakushaspaqa Jehovaman sutʼita willakuna imachus llakichiwasqanchejta, imaynatachus orakusqanchejman kutichiwasqanchejtapis reparana. Jinapis yuyarikuna tiyan Jehovaqa mana munasqanchejman jinapunichu kutichimuwasqanchejta, payqa yuyasqanchejmantapis aswan ashkhataraj ruwayta atin (2Co 12:7-9; Ef 3:20). Imaynasmantachus Jehová orakusqanchejman kutichimuwasqanchejta qhawarina:

• Problemasta atipanapaj kallpata, sonqo tiyaykuyta ima qowanchej, creeyninchejtapis sinchʼiyachin (Flp 4:13).

• Yachayta qowanchej imatapis allinta ajllanapaj (Snt 1:5).

• Kallpata qowanchej ruwayta munanapaj, ruwayta atinapaj ima (Flp 2:13).

• Llakisqa kashajtinchej sonqo tiyaykuyta qowanchej (Flp 4:6, 7).

• Wajkunanejta yanapawanchej, sonqochawanchejtaj (1Jn 3:17, 18).

• Pikunapajchus orapunchej chaykunatapis yanaparin (Hch 12:5, 11).

JEHOVÁ DIOSQA ORAKUSQANCHEJTA UYARINPUNI NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynatá onqosqa kashajtinchej hermanonchej Shimizuj experiencian yanapawasunman?

• ¿Imatá hermanonchej Shimizu jina ruwasunman?