28 DE ABRIL AL 4 DE MAYO

BIBLIAMANTA SUMAJ YACHACHIYKUNA

1. Ama imatapis parlarpallaychu

(10 min.)

Ama imatapis parlarpallaychu ‘runa masiykej’ sonqonta nanachinaykipaj jinaqa (Pr 11:9; w02-S 15/5 pág. 26 párr. 4).

Ama imatapis parlaychu wajkunata tʼaqanachinaykipaj jinaqa (Pr 11:11; w02-S 15/5 pág. 27 párrs. 2, 3).

Mana willanayki imastaqa ama wajkunaman willaraychu (Pr 11:12, 13; w02-S 15/5 pág. 27 párr. 5).

Salonpi iskay hermanos parlashanku. Ujnenqa thutushan paykunaman qayllaykushan chay hermanopaj.

KAYPI TʼUKURIY: Lucas 6:45 versiculopi Jesús nisqanman jina, ¿imatataj ruwasunman mana wajkunaj sonqonkuta nanachinapaj jina parlanapaj?

2. Sumaj yachachiykunata maskʼana

(10 min.)

Pr 11:17. ¿Imaynatataj uj kʼacha runa “pay kikinpaj allin kajta tarin”? (g20.1 pág. 11, recuadro).

Kutichiynin
¿Imastá yachakunchej kay semana Bibliata leespa?

Kutichiynin

3. Bibliata leenapaj

(4 min.) Pr 11:1-20 (th 5 yachaqana).

SUMAJTA YACHACHINACHEJ

4. Parlayta qallariy

(4 min.) MAYLLAPIPIS KASHASPA. Recienllaraj imatachus tantakuypi yachakusqaykimanta willariy (lmd lección 2 punto 4).

5. Revisitasta ruway

(4 min.) MAYLLAPIPIS KASHASPA. Bibliata estudiachinapaj videosmanta ujninta ajllay chaymanta parlarinaykipaj, amataj rikuchiychu (lmd lección 8 punto 3).

6. Jesuspa discipulosninman tukuchiy

(4 min.) ASHKHA RUNAS PURINKU CHAYPI. Bibliamanta yachachiyta munasqaykita niy, imaynatachus Bibliamanta yachachisqanchejtataj rikuchiy (lmd lección 10 punto 3).

CRISTIANO KAUSAYNINCHEJ

7. Parlasqanchejwan ama tʼaqanakusta rikhurichinachu

(15 min.) Uyarejkunawan ukhunchanapaj.

Pantaj runas kasqanchejrayku ichapis wakin kutisqa mana parlanasta parlasunman (Snt 3:8). Imasta nisqanchejchus tʼaqanachiwasqanchejta yachayqa yanapawanchej mana imatapis parlarpanallapaj, ajinamanta mana nisunchu “amallapis chayta niymanchu karqa” nispa. Kay imas congregacionta tʼaqanachinman:

Jatunchakuy. Noqanchej kikinchejmanta alabakusunman chayqa, hermanosta tanqasunman envidiakunawanchejpaj, gananakupi jinataj imatapis ruwanankupaj (Pr 27:2).
Llullakuy. Llullakoj runaqa mana pʼenqakuspa llullasta parlan, chantapis mana reparayllata pantasqata entiendenankupaj jina imatapis nin. Tumpallatapis llullakojtinchejqa niña wajkuna noqanchejpi confiankumanchu, llulla runata jinallañataj qhawawasunman (Ec 10:1).
Cuento qʼepi kay. Cuento qʼepi runaqa wajkunamanta cuentakuspa purin, yapasqata parlaspa chayri mana willanan imasta willaspa (1Ti 5:13). Chayta ruwasqanraykutaj phiñanakusta rikhurichinman, tʼaqanachinmantaj.
Phiñakuywan parlay. Pichus phiñachiwanchej chay runawan pagachikuspaqa rabianchejpi imatapis nirpallasunman (Ef 4:26). Ajinata parlaspaqa wajkunaj sonqonkuta mayta nanachisunman (Pr 29:22).

“Allin kausayta chinkachej imasta saqena (uj chhikan)” nisqa videomanta fotos. 1) Emilywan Celiawan uj cafeteriapi chukusqas kashanku. Celiaqa imatachus Clara redes socialespi churasqanta celularninpi qhawashan. 2) Claraqa Salonpa estacionamientonpi phiñasqa Celiata trataykushan.

Allin kausayta chinkachej imasta saqena (uj chhikan) VIDEOTA rikuchiy. Chantá tapuriy:

Congregacionpeqa facilta tʼaqanakusta rikhurichisunman. Chayrayku, ¿imastataj kay videomanta yachakusunman mana tʼaqanakusta rikhurichinapaj?

Kutichiynin

Kay qhawasqanchej videomanta hermanas imaynatachus allinyakusqankuta yachanaykipajqa, kay videota qhawariy: Wajkunawan allinta kausakuyta maskʼana, kallpachakunataj.

8. Bibliamanta yachakunapaj

(30 min.) bt cap. 25 párrs. 14-21.