14 AL 20 DE JULIO
PROVERBIOS 22
79 takiy, mañakuy ima | Qallarinapaj (1 min.)
1. Wawasta yachachinapaj sumaj yuyaychaykuna
(10 min.)
Wawasniykichejta wakichiychej kausayninkupi llakiykunasta atipanankupaj (Pr 22:3; w20.10 pág. 27 párr. 7).
Nacekusqankumantapacha wawasniykichejta yachachiychej (Pr 22:6; w19.12 pág. 26 párrs. 17-19).
Wawasniykichejta munakuywan cheqanchaychej (Pr 22:15; cl pág. 100 párr. 10).
2. Sumaj yachachiykunata maskʼana
(10 min.)
Pr 22:29. ¿Imaynatataj kay versiculoman jina ruwasunman congregacionpi ruwanasninchejta ruwashaspa? Chanta, ¿ima bendicionestataj japʼisun? (w21.08 pág. 23 párr. 11).
¿Imastá yachakunchej kay semana Bibliata leespa?
3. Bibliata leenapaj
(4 min.) Pr 22:1-19 (th 10 yachaqana).
4. Parlayta qallariy
(3 min.) WASIMANTA WASI. (lmd lección 5 punto 4).
5. Parlayta qallariy
(4 min.) MAYLLAPIPIS KASHASPA. Uj runaman yacharichiy jw.org paginapi tataspaj yuyaychaykunata maskʼayta (lmd lección 1 punto 4).
6. Discurso
(5 min.) ijwyp yachaqana 100. Tema: ¿Imatataj ruwayman tatasniyta mana kasukojtiy? (th 20 yachaqana).
134 takiy
7. Wawasniykichejwan pacienciakuychej, amataj qhawakullaychejchu mana allin kajta ruwanankuta
(15 min.) Uyarejkunawan ukhunchanapaj.
Tatasqa mayta pacienciakunanku tiyan wawasninkuta yachachinankupaj. Tiempochakunankutaj tiyan sapa kuti wawasninkuwan karikunankupaj, parlarinankupaj ima. Chaytataj mana waj imaswan musphaspachu ruwananku tiyan, nitaj usqhay usqhayllatachu (Dt 6:6, 7). Tatasqa wawasninku imaynapunichus kashasqankuta, imatachus piensasqankutapis yachanankupajqa, allinta tantearispa tapurinanku tiyan, sumajtataj uyarinanku tiyan (Pr 20:5). Ichapis tatasqa wakin imasta kutin kutita wawasninkuman yuyarichinanku kanqa entiendenankupaj, chayman jinataj ruwanankupaj.
Tatasqa pacienciayoj kajtinkupis mana qhawakullankuchu wawasninku sajra imasta ruwanankuta. Jehovaqa tatasman nin wawasninkuman kamachiykunata qoyta atisqankuta imatachus ruwanankupaj, imatatajchus mana ruwanankupaj. Chantapis nillantaj wawasninku mana kasukojtinku cheqanchanankuta (Pr 6:20; 23:13).
Efesios 4:31 leey. Chantá tapuriy:
¿Imaraykutaj tatas phiñasqa kashaspa mana wawasninkuta cheqanchanankuchu tiyan?
Gálatas 6:7 leey. Chantá tapuriy:
¿Imaraykutaj tatas wawasninkuman yachachinanku tiyan ruwasqankuman jina imapis qhatirinanta?
“Pacienciayoj kaychej, purajmantataj munakuywan aguantanakuychej”: Wawasninchejwan nisqa VIDEOTA rikuchiy. Chantá tapuriy:
¿Imastataj kay videomanta yachakusunman?
8. Bibliamanta yachakunapaj
(30 min.) lfb “Diospa Llajtanta Kamachejkunaj cartanku”, 1 tʼaqaj qallariynin, chantá lección 1.