4 Perdonanakuychej

¿IMA NIYTA MUNAN?

Wakenqa ninku: “Perdonayman chayqa, ruwawasqankuta allinpaj qhawashayman”, nispa. Chaytaj mana jinachu. Astawanpis perdonaspaqa, imatachus contranchejpi ruwasqankuta qonqapunchej, nitaj phiñasqallapunichu kanchej.

BIBLIA NIWANCHEJ: “Wajkuna contraykichejpi imata ruwajtinkupis, ujkuna ujkunawan aguantanakullaychejpuni, tukuy sonqotaj perdonanakuychej” (Colosenses 3:13).

Aaron nin: “Pitapis munakunchej chayqa, mana pantasqasnintachu qhawanchej, manaqa sumaj ruwasqasninta”, nispa.

¿YANAPAWANCHEJCHU?

Phiñasqallapuni kasunman chayqa, onqoykusunman, mana kusisqachu kasunman, qhariwarmi kausayninchejtaj llakiy kanman.

Julia nin: “Uj kuti, qosay sonqoyta mayta nanachiwarqa, perdontataj mañakuwarqa. Noqarí unayninmanraj perdonarqani. Mayta pesachikuni mana usqhayta perdonasqaymanta. Nichá unaytachu phiñanasqa kaykuman karqa”, nispa.

KAYTA RUWAWAJCHEJ

PIENSARIY

Qosayki chayri warmiyki phiñachisojtin, kaypi tʼukuriy.

• “¿Chay ratochu sienterparikunki?”

• “Pantasqan, ¿qonqanaypaj jinallachu chayri perdonakunawanpunichu tiyan?”

PARLARIKUYCHEJ

• Imapipis pantajtinchej, ¿chay ratochu perdonanakunchej?

• ¿Imatataj ruwasunman usqhayta perdonanakunanchejpaj?

YUYAYCHAYKUNA

• Qosayki chayri warmiyki phiñachisojtin, ama yuyaychu sajramantapuni chayta ruwasqanta.

• “Tukuyninchej ashkha kutista pantanchej”. Chayrayku perdonakuychej (Santiago 3:2).

Kimberly nin: “Iskayninchej pantajtinchej, perdonayqa atikullan. Pero ujnillanchej pantajtinchejqa, mana atikullanchu. Wajkunata perdonanapajqa, llampʼu sonqo kananchej tiyan”, nispa.

BIBLIA NIWANCHEJ: “Paywan usqhayllata allinyakapuy” (Mateo 5:25).