Tatasniykita sapa kuti kasukoyqa, bancoman manuta juntʼay jina.
JOVENESPAJ
10 Atienekunapaj jina kay
¿IMA NIYTA MUNAN?
Wajkuna qanpi atienekunankupajqa, kasukuyta yachay, nisqaykita juntʼay, nitaj llulla kaychu. Ajinamanta tatasniyki, amigosniyki, patronniykipis, mana wawata jinallapunichu qhawasonqanku.
¿YANAPASUNKIMANCHU?
Yuyayniyoj kanki chayqa, tataykiwan mamaykiwan astawan imasta ruwajta saqesonqanku.
Sarai nin: “Ruwanasniytaqa juntʼanipuni, nitaj wawa jinachu imatapis ruwallani. Chaytataj mana tatasniypa ladollanpichu ruwani. Chayrayku paykunaqa niña juchʼuy wawata jinachu qhawawanku”, nispa.
BIBLIA NIWANCHEJ: “Allinta kausakullaychejpuni” (1 Pedro 2:12).
KAYTA RUWAWAJ
Kay urapi yuyaychaykunaqa, yanapasonqa tatasniyki qanpi astawan atienekunankupaj, chayri watejmanta creesunankupaj.
Ama llulla kaychu. Llulla kanki chayqa, runasqa niña imatapis creesonqankuchu. Pantaspapis cheqatapuni parlanki chayrí, wajkunaqa qanpi atienekonqanku.
Carlos nin: “Mana pʼenqaypi rikhurinanchej kajtenqa, cheqata parlallanchej. Jinapis wajkuna sumajpaj qhawanawanchejpajqa, pantaspapis mana llullakunachu tiyan”, nispa.
BIBLIA NIWANCHEJ: “Tukuy imapitaj allintapuni puriyta” munanchej (Hebreos 13:18).
Ruwanasniykita juntʼay: Estados Unidospi trabajadoresta contrataj runasta tapurisqanku. Chay runasmanta khuskan kurajpuni, jinata nisqanku: “Trabajopaj pitapis japʼinaykupajqa, kinsa imasta qhawariyku. Ujtaj, ruwanasninta juntʼanchus manachus chay”, nispa. Jovencitomantapacha ruwanasniykita juntʼayman yachakunki chayqa, wiñarqospapis chayta ruwallankipuni.
Sara nin: “Waj kamachina kani chayqa, tataywan mamaywan reparankupacha. Imatapis mana tanqasqalla ruwani chaytaj, paykunaqa sapallaymantaña ruwajta saqewanku”, nispa.
BIBLIA NIWANCHEJ: ‘Allinta yachani, nisusqaymantapis astawanraj ruwanaykita’ (Filemón 21).
Pacienciakuy. Uj wawaj wiñasqantaqa chay rato reparanchej. Jinapis uj joven yuyayniyojñachus manachus kasqanqa, unaypi yachakun.
Brandon nin: “Pillapis kuraj runata jina qhawanawanchejpajqa, tatasninchej kamachiwasqanchejta sapa kuti kasukunanchej tiyan”, nispa.
BIBLIA NIWANCHEJ: ‘Pacienciawan ropawan jina pʼachallikuychej’ (Colosenses 3:12).