4. ¿Ñakʼarinanchejpajchu Dios ruwawarqanchej?

¿Imaraykutaj chayta yachananchej tiyan?

Chayta yachayqa yanapawanchej kausayta waj jinamanta qhawananchejpaj.

Kaypi piensariy

Diosqa tukuy imata kʼachituta ruwarqa, chayrayku mana allinchu kanman payllataj ñakʼarichinawanchejqa.

Diospi mana creej runasqa ninku: “Ñakʼarinanchejpajqa ama Dios ruwanawanchejchu karqa, ni Diosqa kanmanchu”, nispa. Paykuna creesqankuman jina, Diosqa mana ñakʼariyta chinkachiyta atinchu chayri mana chinkachiyta munanchu chayri mana Dios kanchu.

¿Chayraykullachu runas ñakʼarinkuman?

Bibliaj nisqan

Diosqa mana ñakʼarinanchejpajchu ruwawarqanchej

Diosqa kusisqa kausakunanchejta munan.

“Noqa yachani imachus runapaj aswan allin kasqanta: Payqa kusikunan, kawsaynimpitaj aswan allin imasta ruwanan ima. Ajinallatataj Diosqa tukuy runasman atiyta qon mikhunankupaj, ujyanankupaj, trabajonkuwan tarisqankupi kusikunankupajtaj” (ECLESIASTÉS 3:12, 13).

Diosqa Adanta Evatawan mana juchayojta ruwarqa, kusisqa kausakunankupajtaj tukuy imata qorqa

Diosqa mana munarqachu paykuna, wawasnin ima ñakʼarinankuta.

‘Dios paykunaman nerqa: Miraychej, kay pachaman juntʼaychej; atiyniyojtaj kaychej’ (GÉNESIS 1:28).

Adanwan Evawanqa mana Diosta kasukorqankuchu

Mana kasukusqankurayku paykuna, wawasninku ima ñakʼariyta qallarerqanku.

“Uj runanejta jucha kay mundoman yaykumorqa, jucharaykutaj wañuypis tiyan. Ajinamanta wañoyqa tukuy runasman chayarqa, tukuyninku juchallikusqankurayku” (ROMANOS 5:12).a

Diosqa mana munayninchejman jina kausanapajchu ruwawarqanchej

Mana yaku ukhupi kausayta atinchejchu, ajinallatataj mana runapura gobernanakuyta atinchejchu.

‘Runaqa mana kausayninpi imatachus ruwananta niyta atinchu’ (JEREMÍAS 10:23).

Diosqa mana munanchu ñakʼarinanchejta

Diospa yuyaychasqanqa yanapawanchej mana problemaspi rikukunapaj.

“Kamachisusqaytachus kasuwankiman karqa chayqa, allin kawsayniykeqa mayu jina kanman karqa” (ISAÍAS 48:18).