Phichqa kaq tanta
Kamachis kasqankumanta Jerusalenpa pirqan ruwakunankama
Israelitas Babiloniapi tiyakuchkaptinku, paykuna iñiyninkuta llawchʼiyachinapaq tukuy imata ruwarqanku. Sadracta, Mesacta, Abednegota, ima rupha hornoman wikchʼuykurqanku, Diostaq mana wañunankuta saqirqachu. Chaymantataq medopersas Babiloniata urmachiytawan, Danielta leonespa juskʼunman wikchʼurqanku, chaypipis Diosninchik leonespa siminkuta wisqʼarqa.
Chaymanta persamanta rey Ciroqa israelitasta kacharirqa, israelitasqa Babiloniaman apachikusqankumanta, 70 watanman llaqtankuman kutipurqanku. Jerusalenman chayaytawan Diospa wasinta ruwayta qallarirqanku, chayllapi enemigosninkuqa ruwachkasqankuta sayachirqanku. Chayrayku 22 watamantaraq Diospa wasinta ruwayta tukunku.
Chaymanta Esdras Diospa wasinta kʼachanchanapaq Jerusalenman risqanmanta yachasunchik. Diospa wasin tukukusqanmanta, 47 watanman chay karqa. Chaymanta 13 watanman, Nehemías Jerusalenpa pirqanta tukuchanapaq yanapaq rirqa. Kay PHICHQA kaq tantaqa 152 watakunamanta yachachiwanchik.