11 Yachaqana
¿Ima llulla yachachiykunata, raymikunata Dios chiqnin?
¿Ima yachachiykunataq, raymikunataq millay kanku? (1)
¿Cristianokuna Trinidad nisqapi creenankuchu tiyan? (2)
¿Imaraykutaq chiqa cristanokuna mana Navidadta, Semana Santata, diachakuta ima ruwankuchu? (3, 4)
¿Wañusqakuna kawsaqkunata ñakʼarichinkumanchu? (5)
¿Jesús cruzpi chakatasqachu wañurqa? (6)
¿Imaraykutaq Diosta kasukunanchik tiyan? (7)
1. Mana tukuy yachaykuna, nitaq tukuy raymikuna millaychu kanku. Chaywanpis Diosqa Bibliawan churanakuq yachachiykunata chiqnin (Mateo 15:6).
2. Trinidad nisqa: ¿Jehová Diosninchik trinidadchu, kimsa runa kasqanta nisunmanchu? Mana. Tata Jehovaqa juk “kʼata cheqa Dios” (Juan 17:3; Marcos 12:29). Jesusqa Diospa kuraq Churin, payqa Tatan kamachisqanta ruwan (1 Corintios 11:3). Tataqa Churimanta kuraq (Juan 14:28). Santo espirituqa mana juk runachu, manaqa Diospa atiynin (Génesis 1:2; Hechos 2:18).
3. Navidad, Semana Santa: Jesusqa mana diciembre killamanta 25 pʼunchayninpichu nacekurqa, manaqa ichapis octubre killapi nacekunman karqa. Kay killapiqa michiqkuna campopi tutantinta ovejankuta qhawaq kanku (Lucas 2:8-12). Jesusqa mana jaykʼaqpis nacekusqanta yuyarinanchikta nirqachu, manaqa wañusqanta yuyarinanchikta nirqa (Lucas 22:19, 20). Navidadpi ruwakusqanqa, ñawpa llulla religionkunamanta jamun. Semana Santa, procesionnin, mikhunan ima, chayllamantataq jamun. Ñawpa cristianokuna mana Navidadta, nitaq Semana Santata ruwaqchu kanku, kunanpis Diosta kasukuqkunaqa mana chaykunata ruwankuchu.
4. Diachaku: Bibliaqa iskay diachakullamanta parlan, chaytaqa mana Jehovata yupaychaqkunalla ruwarqanku (Génesis 40:20-22; Marcos 6:21, 22, 24-27). Ñawpa cristianokunaqa mana diachakuyta yacharqankuchu. Kay ruwayqa ñawpa llulla religionkunamanta jamun. Chiqa cristianokunaqa mayqin pʼunchayllapipis tantakuspa kusikunku, regalotapis jaywanakunku.
5. Wañusqata manchachikuy: Wañusqakunaqa mana imatapis ruwayta atinkuchu, nitaq imatapis yachankuchu. Paykunaqa mana ñakʼarichiwasunmanchu, nitaq ñuqanchikpis paykunata yanapasunmanchu (Salmo 146:4; Eclesiastés 9:5, 10). Runa wañuptinqa manaña imanpis kawsaspa qhipakunchu. Supaykunaqa wakin kuti wañusqa runaman tukuspa, runaman rikhurinku. Imatapis wañusqakunata yuyarinapaq ruwayqa mana allinchu (Isaías 8:19).
6. Cruz: Jesusqa mana cruzpi chakatasqachu wañurqa. Bibliaqa, Jesús wañusqanmanta parlaspa, juk sayasqa kurkupi chayri kʼullupi wañusqanta yachachin. Cruzqa ñawpa llulla religionkunamanta jamun. Ñawpa cristianokuna mana cruzta apaykachaqchu, nitaq yupaychaqchu kanku. Ñuqanchikri, ¿Diosta yupaychanapaq cruzta apaykachasunmanchu? (Deuteronomio 7:26; 1 Corintios 10:14.)
7. Ichapis, ñawpa yachakusqaykita, raymikunata ima, mana saqiyta atinkichu. Ichapis familiayki, masiykikuna mana chaykunata saqinaykita munanqankuchu. Chaywanpis, Diosta kasukuyqa astawan sumaq imamantapis (Proverbios 29:25; Mateo 10:36, 37).
[22 paginapi dibujo/foto]
Diosqa mana Trinindadchu
[23 paginapi dibujo/foto]
Navidad, Semana Santa ima, ñawpa llulla religionkunamanta jamunku
[23 paginapi dibujo/foto]
Wañusqakunapaq mana imatapis ruwanachu tiyan