15 Yachaqana

Runata Dios munasqanta ruwananpaq yanapana

¿Imaraykutaq yachakusqaykimanta willanayki tiyan? (1)

¿Pikunamantaq kay sumaq willaykunata riqsichiwaq? (2)

¿Imaynatá ruwasqayki wakkunata yanapanman? (2)

¿Maykʼaqtaq willaqkunawan khuska willariyta atiwaq? (3)

1. Bibliamanta achkhataña yachakunki. Yachakusqaykiqa sumaq cristiano kanaykipaq yanapasunan tiyan (Efesios 4:22-24). Chantapis yachakusqaykiqa wiñay kawsayman pusasunqa (Juan 17:3). Wakkunapis mana wañunankupaq, yachakusqaykita uyarinanku tiyan. Chayrayku chiqa cristianokunaqa willananku tiyan. Chaytaqa Diosninchik kamachin (Romanos 10:10; 1 Corintios 9:16; 1 Timoteo 4:16).

2. Qamwan khuska kaqkunaman willayta qallariwaq. Familiaykiman, masiykikunaman, qamwan llamkʼaqkunaman, yachaywasipi kaqkunamanpis. Allinllamanta willariy (2 Timoteo 2:24, 25). Ama qunqaychu, runaqa astawan ruwasqanchikta qhawan, parlasqanchikmantaqa. Jinamanta runaqa, allin ruwasqaykita rikuspa willasqaykita uyariyta munanqa (Mateo 5:16; 1 Pedro 3:1, 2, 16).

3. Kaykunata ruwaspa ichapis Jehovamanta sutʼinchaqkunawan khuska willanaykipaq, kamachikusqanta juntʼanki. Chayta ruwaspaqa, yupaychayniykipi manchayta wiñarinki (Mateo 24:14). Pillatapis wiñay kawsayta tarinanpaq yanapaptiyki, ¡manchay sumaqchá kanqa! (1 Tesalonicenses 2:19, 20.)