4 YACHAQANA

¿Imataj karqa Satanasta uyarisqankurayku?

Adanwan Evawanqa Diosta mana kasukusqankurayku wañorqanku (Génesis 3:6, 23)

Evaqa sachʼaj poqoyninta mikhuykushan, Adanmanpis jaywashan

Evaqa katarej nisqanta kasuspa sachʼaj poqoyninta mikhuykorqa. Chantá Adanman jaywarqa, paypis chay poqoyta mikhuykullarqataj.

Adanwan Evawanqa Edén huertamanta wichʼuchikamushanku

Chay sachʼaj poqoyninta mikhuykuspa iskayninku juchallikorqanku. Chayrayku Diosqa paykunata Edén huertamanta wijchʼumorqa.

Adanwan Evawanqa viejoyaytawan wañorqanku

Adanwan Evawanqa llakiyta kausakorqanku. Wawasninkupis ajinallatataj kausakorqanku. Chantá viejoyaspa wañorqanku. Paykunaqa wañuspa mana cielomanchu rerqanku, manaqa chinkaporqanku.

Wañusqasqa jallpʼaman tukunku, nitaj imatapis ruwankuñachu (Génesis 3:19)

Ashkha lugaresmanta runas, imaymana tiempopitaj kausakorqanku

Adanpa wawasnin kasqanchejrayku wañunchej. Wañuspataj mana rikunchejchu, mana uyarinchejchu, nitaj imatapis ruwanchejchu (Eclesiastés 9:5, 10).

Uj imillita wañupusqanmanta familian llakisqa kashan

Jehová Diosqa mana wañunanchejpajchu ruwawarqanchej. Chayrayku payqa tumpamantawan wañusqasta kausarichenqa. Paykunaqa Diosta kasukojtinku ni jaykʼaj wañonqankuchu, wiñaypajtaj kausakonqanku.