¿Pitaj Jesús karqa?

Jehová Diosqa Jesusta kay jallpʼaman kachamorqa (1 Juan 4:9)

Jehová Diosqa niraj Adanta ruwashaspa uj atiyniyoj angelta cielopi ruwarqa, munantaj payta uyarinanchejta.

Diosqa chay angelta jallpʼaman kachamorqa uj wawita jina nacekunanpaj. Payqa Belenpi nacekorqa. Mamantaj María sutiyoj doncella karqa. Chay wawitataj Jesús karqa (Juan 6:38).

Jesusqa jallpʼapi kashaspa Dios jina kʼacha kasqanta, munakuyniyoj kasqanta ima rikucherqa. Chayrayku runasqa payman qayllaykullaj kanku. Chantapis mana manchachikuspa Jehová Diosmanta cheqa kajta runasman yachacherqa.

Jesustaqa kʼacha runa kajtinpis chejnikorqanku (1 Pedro 2:21-24)

Jesusqa religionta ñaupajman apajkuna llulla imasta yachachisqankuta, sajra imasta ruwasqankuta nerqa. Chayrayku paykuna Jesusta chejnikorqanku.

Jesusqa onqosqasta sanoyacherqa, wakin wañusqastapis kausaricherqa.

Religionta ñaupajman apajkunaqa romanoswan Jesusta maqacherqanku, wañuchicherqankutaj.