¿Imataj familiapi yanapawasunman kusisqa kanapaj?

BIBLIAQA NIWANCHEJ

“Diospa palabranta uyarispa kasukojkunamin kusisqaqa kanku” (Lucas 11:28, Diospa Palabran).

KAYTA YACHAYQA YANAPAWANCHEJ

Familia ukhupi sumajta kausakunapaj (Efesios 5:28, 29).

Familia ukhupi respeto kananpaj (Efesios 5:33).

Familianchej ujchasqa kananpaj (Marcos 10:6-9).

¿IMARAYKUTAJ BIBLIAJ NISQANPI CREESUNMAN?

Kay iskay imasrayku:

• Dios familiata rikhuricherqa. Bibliaqa niwanchej Jehová Dios “kay jallpʼapi tukuy familiasta” rikhurichisqanta (Efesios 3:14, 15). Arí, familiasqa tiyan Jehová Diosninchej rikhurichisqanrayku. Chayrayku paylla yanapawasunman familiapi kusisqa kausakunapaj.

  Uj sumaj mikhunata mikhuspaqa, ichapis yachayta munasunman imaynatachus chay mikhunata waykʼusqankuta. Chayta yachanapajtaj, pichus waykʼojta tapurisunman, ¿icharí?

  Ajinallataj familiawanpis. Imaynatachus familiapi kusisqa kausakunata yachanapajqa Jehová Diospa yuyaychaykunasninta leerinanchej tiyan (Génesis 2:18-24).

• Diosqa munakuwanchej. Payqa sapa ujninchejmanta “llakikun” (1 Pedro 5:6, 7). Chayrayku Bibliapi imaynatachus familiapi kusisqa kausakunata yuyaychawanchej. Arí, Jehová Diosqa allinninchejtapuni munan, paypa nisqantaj yanapawanchejpuni (Proverbios 3:5, 6; Isaías 48:17, 18).