Jesús templopi vendejkunata qharqon

Jesusqa 30 watapi abril killa chaynejpi Jerusalenman rerqa. Ashkha runaspis Jerusalenman Pascuata ruwaj rillarqankutaj. Paykunaqa templopi uywa qʼolachinasta Diosman jaywaj kanku. Chayrayku wakenqa animalesta apakamoj kanku, wakintaj Jerusalenpi rantikoj kanku.

Jesusqa temploman chayaspa, rikorqa wakin runas chaypi animalesta vendeshasqankuta. Chay runasqa Jehová Diosta yupaychana wasipi negociota ruwasharqanku. Chayrayku Jesusqa seqʼonata ruwakuspa templomanta ovejasta, wakastawan qharqorqa. Qolqeta cambiajkunaj qolqesninkutapis pampaman qhallarparerqa, mesasninkutapis tijrarparqa. Jesusqa palomasta vendejkunata nerqa: “¡Kaykunata orqhoychej kaymanta! Tataypa wasintaqa ama mercadoman tukuchiychejchu”, nispa.

Templopi chayta rikoj runasqa mayta tʼukorqanku. Jesuspa Discipulosnintaj yuyarikorqanku uj profeta Mesiasmanta nisqanta: “Wasiykita sinchʼita munakuni”, nispa.

Jesusqa 33 watapi watejmanta templopi kikinta ruwallarqataj. Payqa mana saqerqachu Tatanpa wasinta pisipaj qhawanankuta.