1 tʼaqaj qallariynin

Bibliaqa qallariypi parlan Jehová Diosninchej rikukoj imasta ruwasqanmanta. Payqa cielopi, kay jallpʼapi ima kʼachitu imasta ruwarqa. Tata kanki chayqa, wawasniykita yanapariy Jehová Dios tukuy imata ruwasqanta yachanankupaj. Chantapis wawasniykiman yachachiy, mana animalitos jinachu kasqanchejta. Imaraykuchus parlayta, tʼukuriyta, mosoj imasta ruwayta, takiyta, Diosmanta mañakuyta ima atinchej. Chantapis wawasniykita yanapariy Jehová Dios atiyniyoj, yachayniyoj kasqanta, noqanchejta munakuwasqanchejta, tukuy ima ruwasqantapis munakusqanta reparanankupaj.