14 TAKIY
Rey Jesusta jatunchana
Imprimisqapi
1. May chhika runas
jamushanku tukuy llajtasmanta.
Ajllasqasninwan Rey Jesús
wajyashan paykunata.
Tukuypaj sumaj bendición,
kamachishanña Rey Jesús.
Arí, mañakunchej Dios Jehová
munayninta juntʼananta.
(CORO)
Jatunchasqa Dios Jehová,
ujchasqa yupaychana kusiywan payllatamin.
Jesucristo kamachishan arí,
reyespa Reynin paymin.
2. May kusiy kan, jatunchay kan,
¡Jesús kamachishanña!
Kʼachaspaj kanqa salvación,
kusisqas kausakusun.
Manchikuyrí chinkanqaña,
kausarimuypis kanqaña.
Jallpʼapis tʼikarenqañamin
kusirikuy tiempo kanqa.
(CORO)
Jatunchasqa Dios Jehová,
ujchasqa yupaychana kusiywan payllatamin.
Jesucristo kamachishan arí,
reyespa Reynin paymin.