15 YACHAQANA

Mana iskayrayaspa parlariy

1 Tesalonicenses 1:5

KAYPI YACHAKUNKI: Mana iskayrayaspa parlariyta, yachachisqaykiwan uyarejkunata yanapariyta ima.

Sumajta wakichikuy. Imamantachus parlarinayki kashan chayta entiendenaykipaj sumajta estudiay, imaynatachus Bibliaj nisqan chayta sutʼinchashasqantapis reparay. Discursashaspataj uyarejkuna entiendenankupaj jina pisi palabrasllawan sutʼinchay. Yachachisqayki imaynatachus uyarejkunata yanapananpipis piensariy. Diospa atiynintataj mañakuy.

Imamantachus parlarinayki kashan chayta sumajta entiendenaykipaj, aswan sumajtataj sutʼinchanaykipajqa, jatunmanta parlaspa ensayay.
Mana iskayrayaspa parlariy. Discursoykita leespalla qonaykimantaqa, kikin palabrasnillaykiwan sutʼinchay. Parlasqaykitaj, imamantachus parlashasqaykimanta mana iskayrayasqaykita rikuchinan tiyan.
Tukuy sonqo sutʼinchay. Ama simi ukhullapi parlaychu. Chantapis atikojtenqa, uyarejkunata qhawarispa parlariy.

Mana iskayrayaspalla parlanayki kajtinpis, ama imatapis parlarparillaychu, nitaj uyarejkunaj sonqonkuta nanachiychu. Mana asispalla parlanayki kajtinpis, munakuywan, uyarejkunaj sonqonkuman chayanaykipaj jinataj parlay.