Tantakuyman jamojkunapaj willaykuna

BAUTIZAKOJKUNAPAJ. Bautizakojkunapajqa umallirichejpa ñaupaqenpi asientosta japʼenqanku. Mana japʼejtinkutaj, yanapajkuna maypichus tiyanankuta nenqanku. Paykunaqa sábado paqarinta bautizakunapaj umallirichiy niraj qallarishajtin chay asientosman tiyakoj rinanku tiyan. Tukuypis uj toallata, bautizakunankupaj jina ropatawan apakunanku tiyan.

IMANARPAKOJTINCHEJ. Jatun tantakuypi IMANARPAKOJKUNALLAPAJ wakichisqa kashan.

IMAPIS CHINKAJTIN. Imatapis chinkachispa chayri imatapis tarispaqa, “Imapis Chinkajtin” nisqa cheqaman rina tiyan. Chinkasqa wawastapis chayman pusana tiyan. Tatas, wawasniykichejta sumajta qhawaychej, ladoykichejpitaj japʼiychej, ajinamanta mana llakikushanapaj.

MUNASQANCHEJMAN JINA QOLQETA CHURANAPAJ. Kay tantakoyqa Jehová Diosman astawan qayllaykuchiwanchej. Kaypi allinta uyarinanchejpaj, videosta sumajta qhawananchejpaj, tiyakunanchejpaj, waj imas ruwakunanpaj ima, ashkha qolqe gastakun. Tukuy sonqowan qolqeta churasqanchejqa, kay tantakuy ruwakunanpaj, runasman jallpʼantinpi willamunapaj ima yanapan. Chaypajqa kay ukhupi tukuynejman cajitasta chayri tubitosta churakun, tukuy sonqowan munasqanchejman jina qolqeta churanapaj. Diospa Llajtanta Kamachejkunaqa mayta agradecekunku, Diospa Gobiernonmanta willakunallanpajpuni tukuy sonqowan qolqeta churasqaykichejmanta.

TIYANAPAJ. Wajkunaj allinninkuta maskʼanaykita munayku. Familiallaykipaj, qanwan jamojkunallapaj, wasiykipi kajkunallapaj chayri Bibliamanta yachachishanki chay runasllapaj asientosta japʼiyta atinki. Ama imaykitapis waj asientosman churaychu.

YANAPAJKUNA. Yanapajkunaqa, yanapasunankupaj kashanku. Chayrayku maynejpichus autoykita sayachinaykita, maynintachus purinaykita, maypichus tiyakunaykita chayri imatachus ruwanaykita nisojtinku, kasukuy.

YANAPAKUYTA MUNAJKUNAPAJ. Kay jatun tantakuypi imallapipis yanapakuyta chayri imallatapis yachayta munaspaqa, “Yanapayta Munajkunapaj” nisqa cheqaman riy.

UJ SUMAJ TANTAKUY

DIOSPA GOBIERNONMANTA WILLAJKUNAPAJ ESCUELA. Diospaj astawan llankʼayta munaj precursoresqa, domingo tardeta uj tantakuyman wajyarisqa kanku. Paykunaqa 23 watayojmanta 65 watayojkama kananku tiyan. Maypichus, ima horachus ruwakunanta plataformamanta willakonqa.