¿Ima ratotaj parlayta tukuchana?

Pillapis yachakuytapuni munaspa imatapis tapuriwajtinchejqa paywan parlarinallapuni, amataj ripunapachachu. Ajinallatataj ruwana uj imata sutʼincharinanchejta munajtin, pay mana noqanchej jina yuyajtinpis. Imaraykuchus “wiñay kausayta japʼinankupaj allin sonqoyoj” kajkunawan parlariyta munanchej (Hech. 13:48).

Chanta, ¿imatá ruwasunman pillapis phiñasqa kajtin, discutiyta munajtin, chayri mana noqanchejwan parlayta munajtin? Ajina kajtenqa calmallawan, mana phiñakuspa parlayta tukuchana (Pro. 17:14). Chantá kʼachallamanta despedikuytawan ripuna. Pi yachan, ichapis aswan qhepaman noqanchejwan parlariyta munallanqa (1 Ped. 2:12).