Jesucristop yachachiykunasnin

“Wak runasmanta nisqaqa Capernauma llaqtapi yachachiqqa, aswan sumaq yachayniyuq karqa, imaraykuchus yachachiykunasninqa, runasta kunankama yanapachkallanpuni.” (GREGG EASTERBROOK, QILLQAQ)

SUMAQ kʼacha palabraswan yachachiyqa, kawsayninkuta tikranankupaq, juk suyakuyniyuq kanankupaq ima runasta yanapan. Jesucristotaq chayjinamanta yachachirqa. Chayrayku Jesús Urqupi yachachisqanta juknin uyariqqa, chaymanta aswan qhipaman jinata qillqarqa: “Chay imasta Jesús parlayta tukusqanmanta, runasqa yachachiyninmanta mayta tʼukorqanku”, nispa (Mateo 7:28).

Kunan tiempopi pachantinpi runasqa, Jesuspa kay wakin yachachiykunasninta riqsinku:

“Mana atinkichejchu ujllapi sirviyta Diosta, qhapaj kaytawan.” (Mateo 6:24.)

“Imatachus munankichej runas qankunapaj ruwanankuta, ajinallatataj qankunapis paykunapaj ruwapuychej.” (Mateo 7:12.)

“Cesarpata kajtaqa Cesarman qoychej, Diospata kajtataj Diosman qopuychej.” (Mateo 22:21.)

“Aswan kusiy wajman qoriy qorichikunamanta nisqaqa.” (Hechos 20:35.)

Chaywanpis Jesusqa, mana sumaq yuyaychaykunallatachu runasman qurqa. Astawanpis runasman Diosmanta chiqa kaqta, sunqu juntʼasqa kawsanankupaq allin yachachiykunata, Diospa Reinollan ñakʼariyta chinkachinanta ima yachachirqa. Qhipan yachaqanaspitaq Jesuspa yachachiykunasninta ukhuncharisunchik, ajinamanta yachasunchik “imaraykuchus yachachiykunasnin kunankama runasta yanapachkasqanta”.

[Sutʼinchaynin]