¿Maykʼaqtaq rikchʼarisqa kana tiyan?

YACHAYWASIPI kachkaspa puñunayki, ¿allinchu kanman? Chiqamantapuni wakinqa, clasespi puñuykunku, chaywanpis allinta yachakuyta munaspaqa, rikchʼarisqa kanayki tiyan. Tantakuykunapi Bibliamanta yachakuchkaspapis, rikchʼarisqallataq kanayki tiyan.

¿Imataq rikchʼarisqa kanaykipaq yanapasunkiman?a... Ichapis temprano puñukapuwaq. Chayri tarden juk chhikitallantapis puñuriwaq. Bibliaqa, apóstol Pablo yachachichkaptin, juk wayna puñuywan atipachikusqanta nin. Qhawarina, imatachus chaymanta yachakunanchikta. Bibliaykipi Hechos librota maskʼay capítulo 20 versículos 7-12.

Pabloqa, Troas llaqtamanta qutuchakuyta waturichkarqa. Biblia ninjina, “qʼayantin [barcopi] puririnan kasqanrayku, paykunaman chawpi tutakama parlarqa”. Chantá Biblia nillantaq: “Uj wayna Eutico sutiyoj ventanapi tiyasharqa. Pablo unaytapuni parlajtintaj, Euticoqa puñuywan atipachikuspa, sinchʼita puñurparerqa”, nispa. ¿Imachus chay waynamanta kasqanta yachayta munawaqchu?...

Euticoqa, “kinsa kaj pisomanta urmaykamorqa”. Chaypi kaqkuna, Pablo ima usqhayllata uraykamurqanku. Euticotataq wañusqata tariparqanku. ¿Imayna llakisqachus kachkasqankuta reparankichu?... Bibliaqa, Pablo Euticop patanman kʼumuykukuspa, marqʼariykukusqanta nin. Chantá Pablo nirqa: “Ama mancharikuychejchu; payqa kawsakushan”, nispa. Ajinataq karqa, imaraykuchus Dios chay waynata kawsarichirqa.

Euticomanta yachakusqanchik, ¿imatá Diosmanta yachachiwanchik?... Janaqpachapi kaq Jehová Dios, tukuy wañusqasta nisunman wawasta ima kawsarichiyta atisqanta. Chantapis Jehovaqa, mayta entiendesunki, tatasniykimanta nisqataq astawan munakusunki. Jesús, Jallpʼapi kachkaspa wawasta, Tatan Jehovata ima, mayta munakusqanta rikuchirqa. Wawastapis marqʼariykukurqa, bendecirqa ima, achkha waynastataq kawsarichirqa, juknintaq juk imillita 12 watayuq karqa.

Dios munakususqanta yachaspa, ¿imayna sientekunki?... Tukuypis Payta mayta munakusqanchikrayku kasukuyta munanchik. ¿Munawaqchu yachayta, imatachus munakusqanchikta rikuchinapaq ruwanata?... Ñuqanchikpis Jesusjina niyta atisunman, pay nirqa: “Dios Tatata munaku[ni]”, nispa. Chaywanpis payqa mana simillamantachu chayta nirqa, manaqa ruwaykunasninwan rikuchirqa.

Jesusqa, Diosta kasukurqa, nirqataq: “Munaynillanta ruwani”, nispa. Ñuqanchikpis Jehovata kasukusun chayqa, Payta, Churinta ima kusichinapaq, yachaywasipi, tantakuykunapi Bibliamanta ukhunchachkaspa rikchʼarisqa kanapaq mayta kallpachakusun.