Bibliaj Kutichiykunasnin

¿Pitaj Kuraj Supayta ruwarqa?

Mana Dioschu Kuraj Supayta ruwarqa. Diosqa uj angelta ruwarqa, chaytaj aswan qhepaman Satanasman chayri Kuraj Supayman tukorqa. Bibliaqa, chay ángel qallariypi mana pantayniyoj kasqanta nin. Arí, Diospa cielopi wawasninmanta ujnin karqa. (Ezequiel 28:14, 15 leey.)

¿Imaynatá uj kʼacha angel chay jina sajraman tukorqa?

Kuraj Supayman tukoj angelqa, Diospa contranpi oqharikuyta ajllarqa. Ñaupa tatasninchejtapis kikinta ruwanankupaj tanqarqa. Ajinamanta pay kikin Kuraj Supayman, Satanasmantaj tukorqa, chay sutisqa “llullakoj”, “churanakoj” ima niyta munan. (Génesis 3:1-5; Apocalipsis 12:9 leey.)

Kuraj Supayman tukoj angelqa, Diospa yuyayniyoj ruwasqasnin jina, allin kajta chayri mana allin kajta ajllayta aterqa. Chaywanpis Dios jina yupaychachikuyta munarqa. Chay munaynin sonqonpi sapichakunanta saqesqanraykutaj, Diosta mana kasukorqachu. (Mateo 4:8, 9; Santiago 1:13, 14 leey.)

¿Imaynatá Kuraj Supay runasta pantachishan? ¿Manchachikunachu kanman? Kay tapuykunaj kutichiynintaqa, Bibliapi tarinki.