BIBLIAJ KUTICHIYKUNASNIN
¿Imapaj Cristo kutimonqa?
Kay 33 watapi niraj cieloman kutishaspa, Jesucristoqa kutimunanta nerqa. Payqa uj qhapaj runawan kikinchakorqa. Pichus karu llajtaman risqa, unayninmantaj rey kananpaj atiyniyoj kutinpusqa. Arí, Cristoqa runaspaj uj sumaj rey kananpaj kutimunan karqa. (Lucas 19:11, 12 leey.)
Jesusqa uj sumaj rey runaspaj kanqa
¿Imayna cuerpowantaj kutimonqa? Cristoqa uj espíritu jina kausarichisqa karqa (1 Pedro 3:18, NM). Chantá cieloman wicharispa, Diospa pañanman tiyaykukorqa (Salmo 110:1). Tiempo pasasqantawan, Jehovaman qayllaykuchisqa karqa, pitachus “Machu Runa[wan]” kikinchakun. Jehovataj runasta kamachinanpaj atiyta qorqa. Chayrayku Jesusqa, mana aycha cuerpopichu kutimonqa, manaqa mana rikukoj rey jina. (Daniel 7:13, 14 leey.)
¿Imatá Jesús kutimuspa ruwanqa?
Jesusqa runata juzgananpaj angelesninwan kutimonqa. Sajra runasta chinkachenqa. Payta kamachejninkuta jina qhawajkunamantaj, wiñay kausayta qonqa. (Mateo 25:31-33; Proverbios 2:22 leey.)
Jallpʼata uj kʼacha huertaman tukuchenqa. Wañusqastataj, chaypi kusisqa kausanankupaj kausarichenqa. (Salmo 37:29; Juan 11: 25 leey.)