BIBLIAJ KUTICHIYKUNASNIN
¿Imaynatá Jesuspa wañuynin yanapawanchej?
Diosqa runata ruwashaspa, mana ñakʼarispa, mana onqospa, nitaj wañuspa, Jallpʼapi wiñaypaj kausakunankuta munarqa. Chaywanpis ñaupa tatanchej Adán, Diosta mana kasukuspa wiñay kausayta chinkacherqa. Noqanchejtaj wawasnin kasqanchejrayku wañuyta herenciata jina japʼinchej (Romanos 5:8, 12; 6:23). Jehová Diosqa, Churin Jesucristota Jallpʼaman kachamorqa, noqanchejrayku wañunanpaj, juchamantataj kacharichinawanchejpaj. (Juan 3:16 leey.)
Jesuspa wañuyninrayku wiñaypaj kausayta atinchej. Yuyasqaykiman jina, imaynataj Jallpʼapi wiñay kausay kanman?
Jesús wañusqanrayku juchamanta kacharichisqas kanchej, Jallpʼapitaj wiñay kausayta japʼiyta atinchej. Bibliaqa nin mana machuyananchejta, mana onqonanchejta, nitaj wañunanchejta. (Isaías 25:8; 33:24; Apocalipsis 21:4, 5 leey.)
¿Imaynatá Jesuspa wañuyninta yuyarikunanchej tiyan?
Jesusqa, wañupunan pʼunchaymanta ñaupaj chʼisinpi, yachachisqasninman wañuyninta yuyarikunankuta kamacherqa. Sapa wata yuyarikoyqa, Jesuswan Jehovawan munakuwasqanchejta yuyarichiwanchej. (Lucas 22:19, 20; 1 Juan 4:9, 10 leey.)
Kay wataqa, Jesuspa wañuyninta abril killamanta 14 pʼunchaypi Inti yaykupusqantawan yuyarikusqayku. Qanpis wajyarisqa kanki. Llajtaykimanta Jehovaj testigosninta tapuriwaj maypichus, ima horachus, chay tantakuy ruwakunanta. (Romanos 1:11, 12 leey.)