BIBLIAJ KUTICHIYKUNASNIN

¿Imapajtaj Jallpʼanchej ruwasqa karqa?

Jallpʼanchejqa kausay kananpaj sumaj ruwasqa kashan. Chayrayku, ashkha yaku tiyapun. Chay yakustaj chhullunkapunman sichus Jallpʼanchej tumpitata intimanta karunchakunman chayqa, tumpallatapis qayllaykunman chaytaj, chʼakipunman. Kausaytaj mana kanmanchu. Chantapis kallantaj atmósfera nisqa, campo magnético nisqapis, chaykunataj intej sinchʼi kʼajayninmanta jarkʼawanchej. Mana chayllachu, sachʼas, animales ima tʼukunapaj jina sumaj ruwasqas kashanku. Chayrayku ashkha runasqa creenku Jallpʼanchej mana qhasipajchu ruwasqa kasqanta. (Isaías 45:18 leey.)

Chaywanpis Jallpʼanchejqa, sajra ruwaykunawan ñakʼariykunawan ima juntʼa kashan, ¿chaypajpunichu Dios kay Jallpʼata ruwanman karqa? (Deuteronomio 32:4, 5 leey.)

Jallpʼa imapajchus ruwasqa kasqan, ¿juntʼakonqachu?

Diosqa Jallpʼata ruwarqa, Payta, runa masinchejta ima munakuspa kusisqas kausakunanchejpaj. Chaytaj rikuchin, mana animales chayri sachʼas jinallachu kasqanchejta. Imaraykuchus noqanchejqa Ruwawajninchejta rejsinchej, munakuyninta, cheqan kaynintapis rikuchiyta atinchej. (Eclesiastés 12:13; Miqueas 6:8 leey.)

Diosqa tukuy nisqanta juntʼayta atin. Payqa ñakʼariykunata, sajra ruwaykunatawan chinkachenqa. Kay Jallpʼatataj uj kʼacha wasiman jina tukuchenqa, maypichus runasqa kusisqa kausakonqanku. (Salmo 37:11, 29; Isaías 55:11 leey.)