BIBLIAJ KUTICHIYKUNASNIN
¿Imaraykutaj Bibliapi profecías tiyan?
¿Imaraykú Biblia parlan tukuy ima kashasqanmanta? (Lucas 21:10, 11)
Bibliapeqa ashkha profecías tiyan. Runaqa mana niyta atinmanchu aswan qhepaman imachus kananta. Chayrayku profecías juntʼakusqanqa rikuchin Biblia Diospa Palabranpuni kasqanta. (Josué 23:14; 2 Pedro 1:20, 21 leey.)
Wakin profeciasqa juntʼakunña, chaykunataj yanapawanchej Diospi creenapaj (Hebreos 11:1). Chantapis Dios aswan qhepaman imachus kananta nisqanqa juntʼakonqapuni. Chayrayku profeciasqa suyakuyta qowanchej. (Salmo 37:29; Romanos 15:4 leey.)
¿Imaynatá Bibliaj profeciasnin yanapawanchej?
Wakin profeciasqa cristianosta mana jinalla qhepakunankupaj tanqan. Sutʼincharinapaj, ñaupa tiempomanta cristianos wakin profecías juntʼakushasqanta rikuspa, Jerusalenmanta llojserqanku. Jerusalén llajtamanta runas Jesusta qhesachasqankurayku chay llajta chinkachisqa kajtin, cristianosqa Jerusalenmanta karupiña kasharqanku, salvakorqankutaj. (Lucas 21:20-22 leey.)
Kunankama profecías juntʼakusqanqa, rikuchin tumpamantawan Diospa Reinon tukuy gobiernosta chinkachinanta (Daniel 2:44; Lucas 21:31). Kunanpis sapa uj kallpachakunanchej tiyan Diospa ajllasqan rey Jesucristoj ñaupaqenpi allinpi qhawasqa kanapaj. (Lucas 21:34-36 leey.)