BIBLIAJ KUTICHIYKUNASNIN
¿Kausarimunkumanchu wañusqas?
Kausayta qallarichejqa, wañuymanta kausarichiyta atillantaj
Jehová Dios kausayta qoj (Salmo 36:9). Chayrayku wañupojkunataqa Diosllataj kausarichenqa. Bibliaqa chayta aswan qhepaman ruwananta nin. (Hechos 24:15 leey.) ¿Imaraykutaj Dios wañusqasta kausarichiyta munan?
Diosqa wiñaypaj kausakunanchejta munarqa (Génesis 1:31; 2:15-17). Chay juntʼakunantataj munashan. Pisillata, ashkha chʼampaykunapitaj kausasqanchejmanta Payqa mayta llakikun. (Job 14:1, 14, 15 leey.)
¿Maypitaj kausarimojkuna kausanqanku?
Diosqa runata mana janaj pachapi kausananpajchu ruwarqa. Payqa angelesta janaj pachapi kausakunankupaj ruwarqa, runatataj Jallpʼapi kausakunankupaj (Génesis 1:28; Job 38:4, 7). Chayrayku Jesucristo wañusqasta kausarichisqanpi tʼukurina. Payqa chay runasta Jallpʼapi kausaricherqa. Aswan qhepaman kausarimojkunawanpis kikillantaj kanqa. Imajtinchus paykunaqa kay Jallpʼapi kausanqanku. (Juan 5:28, 29; 11:44 leey.)
Chaywanpis Diosqa pisi runasllata janaj pachapi kausarichinanpaj ajllarqa, paykunaqa ángeles jina kanqanku (Lucas 12:32; 1 Corintios 15:49, 50). Chantapis paykunaqa Jesucristowan khuska kay Jallpʼata kamachenqanku. (Apocalipsis 5:9, 10 leey.)