¿Imatá Biblia Yachachin?

¿Maykʼajllapis kay jallpʼapi allin kausay kanqachu?

¿Qanrí imatá niwaj?

• Arí

• Mana

• Ichapis

Biblia nin

Jesús kamachimushajtin, “cheqan kaypis kallachuntaj, manaña killa kanankama” nisunman wiñaypaj (Salmo 72:7).

Biblia nillantaj

• Sajra runasqa kay jallpʼamanta chinkachisqas kanqanku, kʼacha runastaj “allin kawsaypi[...] kusisqa kanqanku” (Salmo 37:10, 11).

• Diosqa guerrasta chinkachenqa (Salmo 46:8, 9).

¿Sonqo tiyasqas kausakusunmanchu?

Wakin runas ninku. Manchay sajra kausay kasqanrayku mana sonqo tiyasqa kausakuyta atisqanchejta. ¿Qanrí ima ninkitaj?

Biblia nin

Kay tiempopipis Diosqa amigosninman sonqo tiyaykuyta qon, mayqentachus runas mana entiendeyta atinkuchu (Filipenses 4:6, 7).

Biblia nillantaj

• Diosqa “tukuy imata” mosojyachishajtin, ñakʼariykunata, sajra ruwaykunata chinkachinanta nin (Apocalipsis 21:4, 5).

• Diosmanta ‘yachakuspaqa’, sonqo tiyasqa kausakuyta atisunman (Mateo 5:3).