“Kay regaloqa may sumaj”

Chayta uj sipasita 13 watasniyoj kashaspa uj alqetuta regalajtinku nerqa. Uj empresariataj nerqa: “Sipasita kashajtiy tatay uj computadorata regalawarqa, chaytaj mayta yanapawarqa”, nispa. Uj runataj nerqa: “Warmiy casarakusqaykumanta watanman, aniversarioykupaj uj tarjetata ruwaspa regalawasqanqa mayta kusichiwarqa”, nispa.

Sapa wata ashkha runas amigonkuman chayri familiarninkuman uj sumaj regalota jaywayta munanku. Chay regalota maskʼanankupajtaj mayta tiempochakunku. Tukuypis munasunman regalosta jaywanchej chay runas kusikunankuta. ¿Munawajchu chay jina regalota pillamanpis regalayta chayri regalasunankuta?

Chayqa may sumaj kanman, mana regalonchejta japʼikojta kusichisqanraykullachu, manaqa noqanchejtapis kusichiwasqanchejrayku. Biblia nin: “Aswan kusiy wajman qoriy, qorichikunamanta nisqaqa”, nispa (Hechos 20:35). Arí, regalota jaywanchej chay runa “gracias” niwajtinchejqa astawanraj kusikunchej.

¿Imatataj ruwasunman regalasqanchej kusichinawanchejpaj, regalonchejta japʼikojtapis kusichinanpaj? Uj sumaj regalota mana qoyta atinchejchu chay, ¿imatá ruwasunman uj regalota jatunpaj qhawanankupaj jina regalanapaj?