¿Yuyarikunkichu?

Kay killasmanta Torremanta Qhawaj revistasta leerqanki chayqa, kay tapuykunaman kutichiyta atillanki.

¿Imaynatataj jatunmanta takisunman?

Takina libronchejta altota oqharispa cheqanta sayana, sumajta samana, siminchejta jatunta kicharina, kallpawantaj takina (w17.11, páginas 5, 6).

Mana yuyasqallamanta runata wañuchej, ¿pakakuna llajtasman ayqeyta atillajchu?

Arí, imajtinchus Israelpeqa sojta pakakuna llajtas karqa. Chantapis israelitasqa pakakuna llajtasman rej ñankunata, pichasqata japʼej kanku (w17.11, página 14).

¿Imaraykutaj nisunman Diosninchej juchanchejrayku Wawanta qosqan uj sumaj regalo kasqanta?

Imaraykuchus pay wañusqanraykulla wiñaypaj kausakuyta atinchej, juchamanta wañuymantataj kacharichisqa kayta atinchej. Chantapis Jehová Diosqa juchasapasllaraj kashajtinchej noqanchejrayku Wawanta qorqa (wp17.6, páginas 6, 7).

¿Imaraykutaj nisunman Salmo 118:22 versículo Jesús kausarimusqanmanta parlasqanta?

Imajtinchus Jesusqa, kausarimuspa ‘aswan patapi kaj esquina rumiman tukorqa’. Jinapis runasqa mana creerqankuchu Jesús, Diospa ajllasqan kasqanta, astawanqa wañucherqanku (w17.12, páginas 9, 10).

¿Mesiaspa ñaupa tatasnin kuraj wawaspunichu karqanku?

Mesiaspa ñaupa tatasnenqa, mana kuraj wawaspunichu karqanku. Por ejemplo Davidqa mana Jesej kuraj wawanchu karqa. Chaywanpis Davidqa Mesiaspa ñaupa tatan karqa (w17.12, páginas 14, 15).

¿Ima yuyaychaykunataj Bibliapi kasqa mana onqonapaj?

Moisespa Leynin nisqanman jina, lepra onqoyniyoj runas sano runasmanta karupi kananku karqa, ayata llankhajkuna makinkuta mayllakunanku karqa, jatun jispʼayninkutataj pʼampananku karqa. Chantapis qhari wawitasta nacekusqankumanta pusaj dianman circuncidananku karqa. Imaraykuchus wawitaspa yawarninkoqa nacekusqankumanta semananmanraj sankhuyayta atin (wp18.1, página 7).

¿Noqanchej kikinchejta munakuy juchachu kasqa?

Mana. Imajtinchus noqanchej kikinchejta jina runa masinchejta munakunanchej tiyan (Mar. 12:31). “Qosaspis warminkuta munakunanku tiyan cuerponkuta jina” (Efe. 5:28). Chaywanpis noqanchej kikinchejta anchata munakuspaqa pantasunman (w18.01, página 23).

¿Imatataj ruwasunman astawan Diosman qayllaykunapaj?

Diospa Palabranta sumajta estudiana, yachakusqanchejman jina kausakuna, Jehová Diospa atiyninwan yanapachikuna, wajkunawan yanapachikuspataj agradecekuna (w18.02, página 26).

¿Suerteta qhawajkunata creenachu kanman?

Mana. Imajtinchus Bibliaqa nin suerteta qhawajkunata Jehová Dios chejnikusqanta (wp18.2, páginas 4, 5).

Invitawasqanchej hermanoj wasinman rinanchejta nerqanchej chay, ¿imajtintaj allin kanman rinanchejpuni?

Imajtinchus Biblia nisqanman jina, nisqanchejta juntʼananchejpuni tiyan (Sal. 15:4). Nisqanchejta mana juntʼaspaqa, wasinman wajyarikuwasqanchej hermanoj tiempochakusqan, tukuy imatapis wakichisqan qhasilla kanman (w18.03, página 18).

Congregacionta ñaupajman apajkuna, ¿imatataj Timoteomanta yachakunkuman?

Timoteo jina wajkunata tukuy sonqo yanapankuman, Diosmanta willayta ñaupajman churankuman, Diospaj esclavo jina llankʼankuman, Bibliaj nisqanman jina ruwankuman, Diosman qayllaykunankupaj kallpachakunkuman, Jehová Diospa atiyninwantaj yanapachikunkuman. Timoteomantaqa mana ancianosllachu yachakunkuman manaqa tukuy hermanospis (w18.04, páginas 13, 14).