¿Imaynataj Diospa Gobiernon?
Jesusqa discipulosninman jinata Diosmanta mañakunankuta yachacherqa: “Cielopi kashaj Tatayku, sutiyki jatunchasqa kachun. Gobiernoyki jamuchun. Munayniykitaj ruwasqa kachun, imaynachus cielopi, ajinallatataj kay jallpʼa patapipis”, nispa (Mateo 6:9, 10). ¿Maypitaj Diospa Gobiernon kashan? ¿Imatataj Diospa Gobiernon ruwashan? ¿Imaraykutaj Diospa Gobiernon jamunanta mañakunanchej tiyan?
Jesusqa Diospa Gobiernonpi rey
Lucas 1:31-33: “Jesús sutita churanki. Payqa jatunpaj qhawasqa kanqa, sutichasqataj kanqa Aswan Patapi kaj Diospa Wawan. Jehová Diostaj payta churanqa kamachinanpaj, tatan Davidta jina. Jacobpa miraynintataj wiñaypaj rey jina kamachenqa, Gobiernontaj mana tukukonqachu”.
Jesusqa Diospa Gobiernonmanta astawan willarqa
Mateo 9:35: “Jesusqa tukuy llajtasta, tukuy ranchostawan muyumorqa, sinagogasninkupi yachachispa, Diospa Gobiernonmantapis sumaj willaykunata willaspa. Tukuy laya onqosqastataj sanoyacherqa”.
Jesusqa discipulosninman nerqa ima señaleschus kananta Diospa Gobiernon jamushasqantaña reparanankupaj
Mateo 24:7: “Uj aylloqa waj aylloj contranta oqharikonqa, uj suyupis waj suyoj contranta. Kaynejpi jaqaynejpitaj yarqhaykuna, jallpʼa ikhakuykuna ima kanqa”.
Jesuspa discipulosnenqa Diospa Gobiernonmanta jallpʼantinpi willashanku
Mateo 24:14: “Diospa Gobiernonmanta sumaj willaykunapis jallpʼantinpi willakonqa tukuy laya runas yachanankupaj, chaypachamá tukukoyqa jamonqa”.