Tukuyta kallpachawanchik
1. Superintendente de circuito qutuchakuyman waturikuq jamusqanqa, ¿imaynatá yanapawanchik?
1 Apóstol Pabloqa, Roma llaqtamanta hermanosman jinata qillqarqa: ‘Ñuqaqa rikuytapuni munaykichik, espiritup ima yanapaynillantapis qamkunaman qunaypaq, aswan kallpachasqa kanaykichikpaq. Chayta nini puraqmanta kallpachanakunanchikpaq chay kikin iñisqanchikrayku’, nispa (Rom. 1:11, 12). Kunan pʼunchaypipis, superintendente de circuito nisqa qutuchakuyman waturikuq jamusqanqa, ‘puraqmanta kallpachanakunanchikpaq’ yanapawanchik.
2. ¿Imaptintaq superintendente de circuito waturikuq jamusqanqa, ñawpaqmanta willakunri?
2 Qutuchakuy kallpachakun. Qutuchakuypiqa, kimsa killa ñawpaqta, ima semanapichus superintendente de circuito jamunanta willakun, ruwanasninchikta allinta qhawaspa, chay semanapaq tiempochakunanchikpaq (Efe. 5:15, 16). Pʼunchaynintin llamkʼanki chayqa, vacacionta urqhuwaq chay semanapi willaq lluqsinaykipaq. Ichapis chay killa precursor auxiliarjina llamkʼankiman. Chay semanapi viajanayki karqa chayqa, wak semanapi viajanaykipaq wakichikuwaq, superintendentep imatachus yachachisqanta uyarinaykipaq.
3. ¿Imatataq sapa jukninchik ruwasunman superintendente de circuito hermanowan, kallpachachikunanchikpaq?
3 Superintendente de circuito nisqa, qutuchakuymanta tukuy hermanosta kallpachayta, sumaqta willanankupaq yanapayta ima maskʼan. Chayraykutaq tukuy hermanoswan willaq lluqsiyta munan, ¿paywan, chayri warminwan parlawaqchu khuska willaq lluqsinaykichikpaq? (1 Cor. 4:16, 17.) Chantapis, wasinchikpi mikhunapaq waqyarisunman, paywan parlaspa astawan kallpachakunanchikpaq (Heb. 13:2). Payqa qutuchakuypi yuyaychawanchik Diospaq llamkʼayninchikpi maychus kaqta allinchananchikpaq, chayrayku nisqanta allinta uyarinanchik tiyan.
4. ¿Imaynamantá superintendente de circuito hermanota kallpachasunman?
4 Superintendente de circuito kallpachakun. Apóstol Pabloqa, hermanosninjina runallataq karqa. Paykunajina llakiyniyuq, chʼampayniyuq ima karqa. Chayrayku payqa, kallpachasqankumanta mayta agradecikurqa (2 Cor. 11:26-28). Romamanta hermanosqa, apóstol Pablo watasqa runajina Roma llaqtaman jamunanta yachasqankutawan, 74 kilometrosta purirqanku Apio Forokama. “Chaypi Pabloqa hermanosta rikuspa, Diosman graciasta qorqa, kusiywantaj astawan kallpachakorqa” (Hech. 28:15). Superintendente de circuito hermanotaqa, kallpachayta atinchik. ¿Imaynamantá? Jatunpaq qhawaspa, kusiywan chay semana paywan llamkʼaspa ima (1 Tim. 5:17). Yanapasusqanmanta tukuy sunquwan mayta agradecekuy. Payqa, warmin ima, ñakʼariykunata muchusqaykita, iñiyniykita, munakuyniykita ima rikuspa, mayta kallpachakunqanku (2 Tes. 1:3, 4).
5. ¿Imaraykutaq tukuyninchik kallpachachikuyta munanchik?
5 Kay ‘saqra pʼunchaykunapiqa’, ¿pitaq kallpachachikuyta mana munanmanchu? (2 Tim. 3:1.) Chayrayku kunanmantapacha wakichikuna, superintendente de circuito waturikuq jamuptin paywan willaq lluqsinanchikpaq. Ajinamanta tukuyninchik, chay semanapi puraqmanta sunquchanakusunchik, kallpachanakusunchik ima (1 Tes. 5:11).