Juk runallatapis Bibliamanta yachachiy
1 Jesús discipulosninman nirqa “Qhawariychej chajrasta; cosechanapaj poqosqaña kashanku”, nispa (Juan 4:35). Jesuspa nisqanqa, kunan pʼunchaypi cristianosmanpis chayallantaq.
2 Sapa wata jatun tantakuykunapi distritito, circuito, día especial nisqaspi, may achkha runas bautizakusqankuqa, kʼacha sunquyuq runas Jehová Diosta riqsiyta munaqkuna kasqankutaraq rikuchiwanchik. Qam sunqumantapacha wak runasman Bibliamanta yachachiyta munanki chayqa, ¿imatá ruwawaq?
3 Ruwaypuni. Ñawpaqtaqa, juk runallatapis yachachiyta munanayki tiyan. Runaman willaq lluqsispataq, chay yuyasqaykita ama qunqaychu. Tukuyninchik astawan Diosmanta willayninchikta, runaman Bibliamanta yachachiyninchikta ima, astawan yapananchik tiyan, imaraykuchus cristianospa ruwayninqa, mana runaman willayllachu, astawanpis runaman yachachiy ima kanku (Mat. 24:14; 28:19, 20, NM).
4 Wak yanapas. Diosmanta mañakuyqa sumaqta yanapawanchik. Wakin runasqa, Bibliamanta astawan yachakuyta munaspa, Diosmanta mañakunku. Ñuqanchikpis, Diosmanta mañakusunchik chayqa, chay runasta yachachinanchikpaq tarisunchik (Hech. 10:1, 2).
5 Juk hermana Diosmanta, juk runata Bibliamanta yachachinanpaq mañakurqa. Chaymantataq, maypichus llamkʼan chaypi, tukuypis rikunankupaqjina achkha ¿Bibliamanta astawan yachakuyta munankichu?, tratadosta saqirqa. Juk warmitaq chaymanta tratadota uqharikuspa, ñawirirqa, Bibliamanta yachakunanpaqtaq tratadop wasanpi qillqachkarqa, chayllapi hermanaqa chay warmita parlapayarqa, Bibliamanta yachachiytataq qallarirqa.
6 Qutupi Bibliamanta achkha runasta yachachiq hermanosqa, yanapawasunchik juk runallatapis Bibliamanta yachachinanchikpaq. Yachachinaykipaq runata maskʼachkaspa, Diosmanta mañakullaypuni, wak yanapastapis maskʼallaypuni. Ichá, tumpamantawan qampis juk runallatapis Bibliamanta yachachinki.